EFISIA 4:7 - AMÜSÜH HÜM CL Bible (BSI)

⁷ Tüshe Khrista thsambah adünkhi yande isa aban kilim amüthsüm jih.

EFISIA 4:7 Iomraidhean Croise

MATHI 25:15

Tüsho apinü mihbüm aban akukkhi thülün khülang kilim suna shonak 5000 jih, püpü kilim 2000 jih, tüsho püpü khülang kilim 1000 jih; tüsho apinü hantsah yü.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

EFISIA 3:2

nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.