EFISIA 4:4 - AMÜSÜH HÜM CL Bible (BSI)

⁴ Nüsa mulonglam khülang ching jia lakhi nangde pang khülang tüsho Me khülang,

EFISIA 4:4 Iomraidhean Croise

MUNGSHIKHÜN 122:8

I keoniorü tüsho müyamrübo thsülimnü inü kheakü thabah, “Nüsa bolung mungtsü lashang.”

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 17:7

Shepünü Atungpuh kheak kinchonü müngühmühi, shepü akin Atungpuh la.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

YUNIRÜBO RHIMO 15:11

Arü nangde, Atungpuh Jisu amüthsüm hode isa khümkhitbah de isanü kinlah.”

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

1 KORINT 10:17

Tümütüsho yikhap khülang a le, isa ahihkhüh ju pang khülang ah, tümüde isa alalanü yikhap khülang chingnü lang chamachihchoh.

1 KORINT 12:20

Kheakü achamnak ahihdo lah, tütüshe pang khülang.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 2:16

tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah.

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 2:22

api kheak Me ching Thrünpuh lapung thsüde nüsa thrünkih-a lah.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 5:30

tümütüsho isa ju api pang ching kheyukrü ah.

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

KOLOSI 3:15

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

TITA 3:7

junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.