EFISIA 4:32 - AMÜSÜH HÜM CL Bible (BSI)

³² tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

EFISIA 4:32 Iomraidhean Croise

2 SAMUEL 7:21

Nünü alokhikhi dünkheaknü, tüsho nünü amulongkhi yande, nü yamlarünü amükheahpü thsüde ha ato alala rhimo.

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MÜCHITMUDU 12:10

Thiyuro-lungki mihtsürünü anihbuh shiwüh yihnüpü lakhi kümchoh, tüshe mihbukmuyuknü amuzhodakkhi ju yihkhro ah.

MÜCHITMUDU 19:11

Mihtsürü lümlungnü api arümkheam jihchoh; tüsho amülim thsükhi amümürang thsükhi ju api müretahkhi lah.

MÜCHITMUDU 19:22

Mihtsürü kheak tümü alunekhi lanü ju amuzho ah, tüsho akeangyu tharü kheaknü a zhochih mihtsürü atsübe.

ISAIA 57:1

Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh,

JEREMIA 38:12

Ethiopiarü Ebedmeleknü Jeremia ki tha, “ Nü muyurishihpü khimmürhütbo nü khülük le shungliu dükeak yukang.” Jeremianü jude thsü.

MATHI 6:12

isanü isa mahputungrü neak bahjihkhi nangde, isa mah she bahjang;

MARK 11:25

Tüsho küyimki nü zhipbah tamkhüntamnüba, khürü kheak nü azhihkhi tümükhüh lasho, api neak bahjang, junangde yinmi ching nü Buhnü she nü neak bahjihbah.

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,

LUKNÜ ATHRÜTKHI THIYUSHEAK-ATSÜ HUHTANYU 11:4

Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 17:4

Apinü nü azhihde nimung khülang chingnü thüne ki neak yihbeaksho, tüsho nimung khülang ching nü ki thüne ki alode arübah, ‘I mulong müthrichoh’ de thasho, nünü api neak bahjang.”

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

LUKNÜ ATHRÜTKHI THIYUSHEAK-ATSÜ HUHTANYU 6:37

“Thiyudükhap, tüsho nü yumükhap; dübahyuk, tüsho nü mübahyukde alabah, neak bahjang, tüsho nü neak bahjihbah;

YUNIRÜBO RHIMO 28:2

Ju ching larübonü isa ki amuzho büthsüde huh. Tsüng arüde athsakkhinü arünü mo thsübah isa beyuk.

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

1 KORINT 13:4

Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

2 KORINT 2:7

Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah.

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

EFISIA 5:1

Jumonü amuzhokhi tsührübo nangde Thrünpuh kheahkhirü thsang.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 JOHAN 2:12

I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo.

RUTH 2:20

Noaminü atsühmeakbe ki tha, “Atungpuh shepünü arhang larü tüsho asherü mübahyukde muzhochonü apinü müngühshang!” Kheaküshe Noaminü anihbe ki tha, “ Ju buh isa trükrü tüsho buhtsührü ah.”