EFISIA 4:31 - AMÜSÜH HÜM CL Bible (BSI)

³¹ Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

EFISIA 4:31 Iomraidhean Croise

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 37:21

Tüshe Reubennü ju so, tüsho apinü arü khah chingnü anihbuh bekhit tüsho tha, “Isanü api mülaksahnü.”

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 4:8

Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

2 SAMUEL 19:27

Apinü I tungpuh kiulongthsüpuh ki nü yamlarü mulomülapjihdo. Tüshe I tungpuh kiulongthsüpuh a Thrünpuh yunirü ruk ah; jumonü tümü nü tsükhi lanü rhimoang.

2 SAMUEL 19:43

Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 15:3

Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

MUNGSHIKHÜN 37:8

Mulong düsansan yungsho bukdakhiuk, junü küpkhuk lim lang bechoh.

MUNGSHIKHÜN 50:20

Nünü binchoh tüsho nü keoniorü azhihde asukchoh; nünü nü be tsührü thsüpkhilukhichoh.

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

MÜCHITMUDU 14:17

Shepü sungsunglanü makhade rhimochoh, tüsho mihbukmuyuk mihtsürü lümkhi thraneanchoh.

MÜCHITMUDU 18:8

Jipjiprara yubo ju tsühyungpü akebe nangde lah; jurü mihtsürü pang ching yüzahchoh.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

MÜCHITMUDU 25:23

Dukulim pungnü tsüng bede arüchoh, tüsho dünthamungthanü bukakhiuk hande arüchoh.

MÜCHITMUDU 26:20

Sang mülasho mo mütabahchoh; jipjiprara mülasho rukachih kheamchoh.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

MÜCHITMUDU 29:9

Lümlung lakhi mihtsürünü makha mihtsürü kheak atsangachihsho makharünü bukakhiukkhiuk she yungsho münene she, ju ching keamramde müla.

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

T H S AN GYU T H S AN GR ARÜ 7:9

Bukakhiukpü düniokheam, tümüde bukakhiukkhi ju makharü khüh kheak lah.

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

JEREMIA 9:4

Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

YUNIRÜBO RHIMO 21:30

Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah.

ROMRÜ KILIM PAULNÜ ATHRÜTKHI KIHÜM HUHTANYU 3:14

Arü mün athruajibo tüsho akhühnü milah.

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

EFISIA 4:26

Nü bukakhiukkhi ching neak düyihbeak; nü bukakhiukde ani düyüzahshih,

KOLOSI 3:19

Niubuhrübo, nüsa niuberübo muzhoang, tüsho arü kheak müküpde düla.

KOLOSI 3:8

Tüshe kheakü alala chamkhia bahang: bukakhiuk, mulong zhipzhip, lungchihlunghean, dünthamungtha, nü mün chingnü makhamaleak thakhi.

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 5:13

Kheaküshe arünü yomuhyothsünpü, yamrümpü, jipjiprarapü tüsho arünü amüthabe thade arahrungpü anikhita luchoh.

2 TIMOTHI 2:23

Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah.

2 TIMOTHI 3:3

mümuzhokhi, neak mübahjihkhi, dünthamungtha, nihbuh müdanyukkhi, bukmükekhi, atsü thraneanrü,

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

TITA 2:3

Junangde azoberübo ki yakli ching wüntre lapü, dünthamungtha mülapü yungsho yukhu yo azhorü mükampü thsangyuang; tümü atsüanü arünü thsangyubeah,

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

JAKOB 3:14

Tüshe nü mulong ching mükthsü akhüh, tüsho mükhütmüra lasho, ju dünkheak dükükheang tüsho thiyuro düreanglo.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 3:15

Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah.

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.