EFISIA 4:1 - AMÜSÜH HÜM CL Bible (BSI)

¹ Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 4:1 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 5:24

Enoknü Thrünpuh lung tsah; jushu api müladebah, tümütüsho Thrünpuhnü api bea lu.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

1 KORINT 4:16

I kheahkhirü kamang de inü nüsa ki tuthsukchoh.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 4:12

Keoniorübo, inü nüsa ki mushuchoh, I nangde kamang, tümüde I she nüsa nangde kamdo, nüsanü I ki tümü amülim müthsü;

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 4:4

Nüsa mulonglam khülang ching jia lakhi nangde pang khülang tüsho Me khülang,

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 3:14

Jumonü inü Jisu Khrista hode Thrünpuhnü ajikhi akulim thsambah ngüpü langakindo münchi lim alihchoh.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 2:6

Jumonü nüsanü Atungpuh Jisu Khrista leangkhiang, junangde api kheak laang,

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

TITA 2:10

yungsho arü kheaknü mahühbeah, tüshe arü kheak dükde mulonglam lakhi huhbeah, junangde lüpdükhi limro ching arünü isa khümkhitrü Thrünpuh dünkheak thsangyukhi alunebe kamshihbah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

2 JOHAN 1:5

Amuzho alibe, inü nüsa kilim thiyuzüng aso thrütkhinü yung, tüshe atankih chingnü isa khülangnü khülang muzhoachihpü lakhinü kheakü inü nüsa ki mushuchoh.