EFISIA 3:9 - AMÜSÜH HÜM CL Bible (BSI)

⁹ tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

EFISIA 3:9 Iomraidhean Croise

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

MATHI 10:27

Tümüpürü inü amiting ching nüsa ki thachonü, animuro asukang, tüsho tümü nüsa nükhün ching sochonü, thüyam münbo kheaknü zhiang.

MATHI 13:35

junangde wukihrünü athakhi dünjipü lakheah: “Inü shihdanglimyubo ching I mün khimshuhbah; alomiküp khimtanchokinü rama lakhi inü athabah.”

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 10:30

I tüsho I Buh khülang ah.”

JOHAN 5:17

Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

YUNIRÜBO RHIMO 15:18

adüsonü harü mükheahshihbuh Atungpuhnü thachoh.’

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

EFISIA 3:2

nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah,

EFISIA 6:19

I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah,

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:26

ahokhi lünbo alala ching mihtsürü alala kheaknü rama lakheah tüshe kheakü amüsührü ki amikheak akhiukshihdo.

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

KOLOSI 4:3

I küpü dünkheak rihyam ching la, Khrista aramyu khipkhitpü thiyusheak thsungkheak Thrünpuhnü ripit khimshuhpü isa thsungkheak she tamkhüntamnüjang,

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”