EFISIA 3:20 - AMÜSÜH HÜM CL Bible (BSI)

²⁰ Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

EFISIA 3:20 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

1 KIULONG THSÜRÜ 3:13

Nünü amükheangkhi lakhit tüsho nü rhangdung amuyung wüntre lapü she inü nü kilim jihchoh; kiulongthsürü püpürü nü nangde müla.

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

2 KIUTHSÜYUKHEAN 9:12

Kiulongthsüpuh Solomonnü Sheba kiulongthsübenü akünkhi tüsho akheangkhi alala jih; anihbenü api kilim hande arükhi kheaknü alü thsüde alibe kilim jih. Jushu alibenü anihbe yamlarübo lung Sheba lomi lim alode yü.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 32:27

Kheahang, I Atungpuh , mihtsürü alala Thrünpuh; tümükhüh I thsungkheaknü khide chakla shi?

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

JOHAN 10:10

Ahührünü a ahühpü, alaksahpü, tüsho athsümünimpü lang düna marüchoh. Arü rhangdung lapü thsüde I arükheah, tüsho arübo muzhomopungde alabah.

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 4:21

Thrünpuhnü alokhikhi arhimokhukbah de apinü mütsandakde alakheah.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

2 KORINT 9:8

Tüsho Thrünpuhnü nüsa kilim müngühmühi lüpdükhi suhdahde ajihpü kuklah, junangde nüsa kamruhroro lüpdükhi suhdahde alabah tüsho rhimo atsübo thsungkheak suhdahde ajihbah.

EFISIA 1:19

tüsho tümü ju api wu ato rhimokhi yande akinrü isa kilim makekhukkhi api sühmüh tokhi la,

EFISIA 3:7

Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

IBRI 11:19

Thrünpuhnü mihtsürü ashe chingnü she arhang kamshihpü kuklah de apinü lüm; jumonü athapüa, apinü ashe chingnü anihbuh ngülo.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

JAKOB 4:12

Akhümkhitpü tüsho athsümünimpü kukkhi yakzan jihrü tüsho thiyukhaprü khülang lah, tüshe nü yamhingrü yukhappü thsüde nü she a?

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,