EFISIA 3:16 - AMÜSÜH HÜM CL Bible (BSI)

¹⁶ junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 3:16 Iomraidhean Croise

JOB HU H T ANYU 23:6

Api wu ato ching apinü I azhihba de? Yung; tüshe apinü I ki anibah.

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 28:8

Atungpuh ju api mihtsürü sühmüh, api ju api yo mujude-mokhitkhi akhümkhit tsoyukpung ah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

ROMRÜ KILIM PAULNÜ ATHRÜTKHI KIHÜM HUHTANYU 7:22

Tümüde I pang alung chingnü Thrünpuh yakzan kheak inü asühchoh,

ROMRÜ KILIM PAULNÜ ATHRÜTKHI KIHÜM HUHTANYU 9:23

Tüsho apinü api müretah leangkhipü thsakhamkhi api mihmüthsüm kukruk ju apinü isa kheak dungkihkhi muzhomopungkhi api müretah akhiuka huhpü mulong.

1 KORINT 16:13

Kurhangang, akin ching düküngde zhipang, mulong toang, reangzahang.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

2 KORINT 4:16

Jumonü isanü mulong müninichoh. Aleanglim isa keaksah-a lalashe, alunglim a nimung aban isa aso kamlochoh.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

EFISIA 3:15

shepü kilimnü yinmi ching tüsho alomi kheak yamkhün aban mung jia la,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

EFISIA 6:10

Akheamde, Atungpuh tüsho wuto sühmüh ching düküngang.

FILIPI 4:13

I sühmüh jihbuh hode inü lüpdükhi thsükhuklah.

FILIPI 4:19

Jisu Khrista ching api müretahkhi lakhit ayannü I Thrünpuhnü nüsa yihnüpü lüpdükhi jihbah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.