EFISIA 2:3 - AMÜSÜH HÜM CL Bible (BSI)

³ harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

EFISIA 2:3 Iomraidhean Croise

THRÜNTAN 5:3

Adam kam 130 lachoki api kiphahde tsührü khülang lakheah; tüsho apinü amung Seth de ji.

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

MUNGSHIKHÜN 51:5

Kheahang, amülimkhi ching zübedo, I neak ching I benü I mübünkeangde kam.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

MARK 4:19

tüsho ha lomi mulong sansan, lakhitbo muzhokhi, tüsho püpü yihnelunekhinü thiyu ju khüpsahshihchoh, tüsho ju aso masokhi kamchoh.

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUNIRÜBO RHIMO 14:16

Ahokhi lünbo ching apinü trükshih alala arü limrobo ching tsahpü mülüjih;

ROMRÜ KILIM PAULNÜ ATHRÜTKHI KIHÜM HUHTANYU 1:24

Jumonü Thrünpuhnü mümüsühkhi arü mulongnü akünkhi lim, arü bolung arü pang wüntre müjihkhi lim arübo jihabah,

ROMRÜ KILIM PAULNÜ ATHRÜTKHI KIHÜM HUHTANYU 11:30

Khülangki nüsanü Thrünpuh ki mihyumanide lado tüshe kheakü arünü mihyumanikhi hode nüsanü mihmüthsüm leangkhido,

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

ROMRÜ KILIM PAULNÜ ATHRÜTKHI KIHÜM HUHTANYU 2:14

Küyimki yakzan mülarü khiungkerünü yakzannü yihnüpü lakhi yande mihnü arhimobanü, arübo yakzan mülaa lalashe arü thsungkheak ju yakzan kamchoh.

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 5:9

Jumonü kheaküa api thiyih hode isa alim kamshih, alü thsüde Thrünpuh bukakhiukkhi chingnü apinü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 6:12

Jumonü shihkünkhi ching nünü mihyuanipü thsüde ashepü lakhi nü pang ching neaknü yakzan düshuhshih.

ROMRÜ KILIM PAULNÜ ATHRÜTKHI KIHÜM HUHTANYU 7:18

I kheak, I mih ching atsü tümü müla de inü mükheahlah. Inü alim rhimopü lümchoh, tüshe ju mürhimokhuk.

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.

1 KORINT 4:7

Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

KOLOSI 1:21

Tüsho nüsa sherü khülangki limshude tüsho amütsü rhimode lüm ching thiriri lakhea,

1 TESALONIKA 4:13

Keoniorübo, shea larü dünkheak nüsanü mümükheahde mülashihne, yungsho mulonglam mülakhi mihtsürübo nangde mulong murozhakshihne.

1 TESALONIKA 5:6

Jumonü püpürü nangde isanü müyapnü tüshe isanü kurhanganü tüsho rhüngrhüngde danyukanü.

1 TIMOTHI 6:9

Tüshe sherünü alarü kampü künchonü rükaki ching, azheang ching tüsho makhade mihtsürü thokheambe tüsho athsümünimbe ahihdo ching yüzahchoh.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

1 PETER 1:14

Mihyuanikhi tsührübo a le, nüsanü akhuhlim shihkünkhi kheak mulong düjih,

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

1 JOHAN 2:16

Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah.

1 JOHAN 2:8

Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah.