EFISIA 2:2 - AMÜSÜH HÜM CL Bible (BSI)

² küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

EFISIA 2:2 Iomraidhean Croise

JOB HU H T ANYU 1:16

Apinü thade alachoki, püpürü arü tüsho tha, “Thrünpuh mo yinmi chingnü aki tüsho namfimihnubo le yamlarübo aniuabahdo; nü ki thapü I lang atsokhitkheah.”

JOB HU H T ANYU 1:19

tüsho zukleangnü apung ato khülang loshelo hode arübah thüyam khuh phüyi kheak yün, tüsho athunurübo kheak keamkih tüsho arü sheabahdo; nü ki thapü I lang atsokhitkheah.”

JOB HU H T ANYU 1:7

Atungpuhnü Arimri ki tha, “Nü küchingnü arükhea?” Arimrinü Atungpuh ki alo, “Alomi kheak yüla arüla dükhi chingnü, tüsho ju kheak yükihla akila dükhi chingnü.”

JOB HU H T ANYU 31:7

I jingdükü limro chingnü anguh-a lasho, tüsho I mulongnü I mük yana lasho, tüsho I khahbo müneana lasho;

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 57:4

She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de–

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

LEVI 11:16

kewühtopü,

MATHI 11:19

Mihtsürü Tsührü tsühyungde arü, tüsho arünü thachoh, ‘Kheahang, ha ching bukchihrü tüsho amüshangrü, ruk-threrü tüsho aneakrübo müyamrü khülang lah.’ Tüshe Thrünpuh lümlung ju arhimonü alim mütsanchoh.”

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MARK 4:19

tüsho ha lomi mulong sansan, lakhitbo muzhokhi, tüsho püpü yihnelunekhinü thiyu ju khüpsahshihchoh, tüsho ju aso masokhi kamchoh.

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

LUKNÜ ATHRÜTKHI THIYUSHEAK-ATSÜ HUHTANYU 22:31

Tüsho Atungpuhnü tha, “Simon, Simon! Arimrinü wheat nangde nü ayipü keokhikheah.

JOHAN 12:31

Kheakü ha lomi mahkhapkhi lah; kheakü ha lomi yakzanshuhrü yankhitbah.

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:27

Kheakü yikhapkheam tsüh dunglim, api kheak amünean yüzah. Jisunü api ki tha, “Nünü tümü thsüpü lanü nahde rhimoang.”

JOHAN 14:30

Kheaküa inü nüsa lung masukachih, tümüde ha lomi yakzanshuhrü arüchoh, tüsho api ju I ki tümü müla.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 16:11

mahkhap dünkheak, tümütüsho ha lomi yakzanshuhrü mahkhapdo.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

JOHAN 8:23

Tüsho apinü arü ki tha, “Nüsa abolimnü ah; I a akulimnü ah. Nüsa ha lomi yo ah; I a ha lomi yo yung.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUNIRÜBO RHIMO 19:35

Küyimki kiuto mütsanmükühbuhnü boto danlokhea, apinü tha, “Efisia mihtsürübo, Efisia kiuto ching ato Artema lakhi tüsho thüning chingnü akikhi anihbe mejak lakhi shenü mümükheahkhi la?

YUNIRÜBO RHIMO 5:3

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

1 KORINT 5:10

ju amütsan amükinrübo müzammüram, yihnelune, ahührü yungsho sangthsü kingaünrü yung. Arü kheaknü atsokhipü thsüsho nüsanü alomi chingnü shahde atsopü kambah.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

EFISIA 1:21

thiyuzüng, thiyukhümsühmüh, yakzan shuhkhi, tüsho ha lün ching lang yungde arüpü lakhi ching she mung jia lakhi alala kumung changlah;

EFISIA 2:11

Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang–

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

EFISIA 6:12

Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah.

KOLOSI 1:21

Tüsho nüsa sherü khülangki limshude tüsho amütsü rhimode lüm ching thiriri lakhea,

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

JAKOB 1:7

Ju mihtsürünü Atungpuh kilimnü tümükhüh ngüpü mülümbeah;

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 PETER 1:14

Mihyuanikhi tsührübo a le, nüsanü akhuhlim shihkünkhi kheak mulong düjih,

1 PETER 4:3

Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo.

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

1 JOHAN 5:4

Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 16:17

Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!”

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,