EFISIA 1:17 - AMÜSÜH HÜM CL Bible (BSI)

¹⁷ junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 1:17 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

JOB HU H T ANYU 42:5

I nükhünnü nü dünkheak sodo tüshe kheakü I müknü nü ngüchoh.

MUNGSHIKHÜN 24:10

Müretahkhi kiulongthsüpuh ju she a? Wuto Atungpuh ju müretahkhi kiulongthsüpuh.

MUNGSHIKHÜN 24:7

Nüsa kubo dukoang, O chipiripitbo! tüsho shuhkihang, O Jipü khimdopübo! junangde müretahkhi kiulongthsüpuh azahbah.

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

ABEKHIT 28:3

Inü lümlung jihkhi athsüso mihtsürübo ki api tsangkhitde Aron khimmihbo thsüjihpü thaang, junangde apinü I ki amükeamrü thsüde tankihbah.

MÜCHITMUDU 18:15

Lümlung larü mulongnü mükheahmudu ngüchoh, tüsho lümlung larü nükhünnü mükheahmudu yimchoh.

MÜCHITMUDU 2:5

judüki Atungpuh trekhi anikhitbah, tüsho Thrünpuh mükheahmudu ngübah.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

JEREMIA 2:11

Trükshihnü jurübo thrünpuh yunga lalashe thrünpuhbo müthrikhea shi? Tüshe I mihtsürübonü alü mülakhi dün arü müretahkhi müthriabah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MATHI 20:33

Anenü api ki alo, “Atungpuh, ike mükbo khimshuhshihnelah.”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 12:12

Tümüde nünü tümü thabeanü Amüsüh Menü ju kim ching thsangyubah.”

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 15:6

junangde rukhühnü nüsa düsheak khülang thsübah isa Atungpuh Jisu Khrista Abuh tüsho Thrünpuh müretahbah.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 14:6

Keoniorübo, inü nüsa ki thiyutha chingnü thade arüsho, nüsa kilim amikheak akhiukkhi, mükheahmudu, müchitkhi, yungsho thsangyukhi khürü hande marüsho, inü küde thsah nüsa alü thsüjihpü?

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

2 KORINT 12:1

Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

EFISIA 3:5

ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah;

EFISIA 4:13

isa alala akin arihako tüsho Thrünpuh tsührü mükheahkhi mukhiungyi khiungde, tüsho Khrista trungdung akekhitkhi ching mihzo mükamyi khiungde;

FILIPI 3:15

Isa sherü azorüanü ha lümbeah; tüsho nüsa lümkhi püpü lasho Thrünpuhnü nüsa ki mütsanjihbah.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

AMIKHEAKAKHIUKKHI 7:12

tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”