T H S AN GYU T H S AN GR ARÜ 9:11 - AMÜSÜH HÜM CL Bible (BSI)

¹¹ Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

T H S AN GYU T H S AN GR ARÜ 9:11 Iomraidhean Croise

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 76:5

Athrungrü mihtsürü yankhia lukhi ching yaplah, arübo yaprama lah; thirithsürü shenü she arü khah mushuhkihkhuk.

MÜCHITMUDU 1:5

lümlung larü mihtsürünü anibah tüsho anikhitkhi alü thsübah, tüsho anikhitkhi mihtsürünü lümlung thiyankhi ngübah–

T H S AN GYU T H S AN GR ARÜ 2:12

Jumonü inü lümlung tüsho bünkeangbünru le makhakhi lümakheahpü rholo; tümüde kiulongthsüpuh müthrirü mihtsürünü tümü thsükhukpü? Apinü rhimoabahkhi lang ah.

T H S AN GYU T H S AN GR ARÜ 3:14

Tümüpürü Thrünpuhnü thsüchonü lünnü tsüpde alabah de inü mükheahlah; tümü she ju ching muyukajakkhuk, yungsho ju chingnü tümükhüh she müyihkhit; Thrünpuhnü ha rhimodo, junangde alalanü api miki trede azhipbah.

T H S AN GYU T H S AN GR ARÜ 3:17

Inü lüm, Thrünpuh nü thiyuro tüsho mihbukmuyuk mahkhapbah, tümüde yihnüpü lüpdükhi tüsho rhimo lüpdükhi thsungkheak apinü kim khülang akhukhita lah.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

T H S AN GYU T H S AN GR ARÜ 7:13

Thrünpuh rhimo lümakheahang; apinü khürangshihkhi shepünü mukhiungshihpü kukla?

T H S AN GYU T H S AN GR ARÜ 9:2

Lüpdükhi rukhühnü alala ki dünjichoh, thiyuro-lungki tüsho mihbukmuyuk, atsü tüsho amütsü, amüsüh tüsho amümüsüh, shuhmülanga jihrü tüsho shuhmülanga müjihrü ki rukhüh dünjichoh. Atsürü kheak nangde aneakrü kheak lah; sherünü thiyuchihchimchonü arü ju thiyuchihchim bahyukrü nangde lah.

T H S AN GYU T H S AN GR ARÜ 9:3

Alala kilim kuhi rukhüh arükhi ha alomiküp ching amütsü khülang ah. Kheaküshe, alala mulong amütsünü milah; arü arhang lachoki arü mulong ching bünkeangbünru lah, tüsho jushu arü sheabahchoh.

JEREMIA 46:6

Athrirübo alihde mutsokhuk yungsho thirithsürünü mutsokhikhuk; dukulim Euphra ayung ki arü jing mükhedo tüsho lungdo.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

1 SAMUEL 17:50

Jumonü Davidnü nukshang mushuhde lunghitliu khülang tüsho lung khülangnü Goliath kinga lungshih tüsho api laksah.

1 SAMUEL 6:9

Tüsho kheahang; mürangkhüh nihbuh lomi limro lim, Beth-shemesh lim wutusho, isa kheak tode athsümüchikhi ju api ah; tüshe jude yungsho isa kheak shikkhi ju api khah yung de isanü amükheahbah; isa kheak ha limmekhühnü dünjia lah.”