T H S AN GYU T H S AN GR ARÜ 7:7 - AMÜSÜH HÜM CL Bible (BSI)

⁷ Tsükjide ajunokhinü lümlung larü makhashihchoh, tüsho buknimnü mulong thsümünimchoh.

T H S AN GYU T H S AN GR ARÜ 7:7 Iomraidhean Croise

ABEKHIT 23:8

Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

MÜCHITMUDU 17:23

Thiyuro limro bephülappü mihbukmuyuknü ramde buknim luchoh.

MÜCHITMUDU 17:8

Mihtsürü khürünü buknim junü wurük nangde rhimochoh de lümchoh; junü lüpdükhi thsükhukbah de arünü kinchoh.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

T H S AN GYU T H S AN GR ARÜ 8:9

Ha alala inü ngüdo, tüsho alomiküp ching rhimokhi lüpdükhi ching I mulong jihdo: mihtsürü khürünü nihbuh yuripü thsüde püpürü kheak yakzan shuhkhi kim khülang lah.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

YUZÜNGTHALO 28:65

Tüsho ju trükshih bolung nünü sühakhimpung, yungsho nü jinglung zokheampung müngü; tüshe ju ching Atungpuhnü nü kilim mulong ajanpü, mükji keahpü, tüsho me thsünüpü jihbah.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 21:14

Akishnü ayamlarübo ki tha, “ Mihtsürü ju kheahang! Api abünrü ah! Nüsanü küde thsah api I kilim bede arükhea?

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.