T H S AN GYU T H S AN GR ARÜ 7:1 - AMÜSÜH HÜM CL Bible (BSI)

¹ Mung atsü ju rhümthünea kheaknü atsübe, tüsho zübe nimung kheaknü ashe nimung atsübe.

T H S AN GYU T H S AN GR ARÜ 7:1 Iomraidhean Croise

JOB HU H T ANYU 3:17

Ju ching mihbukmuyuk küpkhuk chingnü tuklochoh, ju ching keakzungrü sühakhimde lah.

MUNGSHIKHÜN 133:2

Haju ku kheak lakhi shoto müdangke, Aron mükhühnam kheak lünkhikhi, api khimmih akheam kheak lünkhikhi nangde lah.

MÜCHITMUDU 15:30

Miro yinkhinü mulong asühpü hande arüchoh, tüsho thiyusheak atsünü phü müsüshihchoh.

MÜCHITMUDU 22:1

Lakhit ato kheaknü mung atsü mokhitbeah, tüsho shotoyinchi le suna kheaknü amuzho atsübe.

MÜCHITMUDU 25:10

jude yungsho shepünü ju sobanü nü achih lahkhitjihbah, tüsho nü mung atsü thsümünimbah.

MÜCHITMUDU 27:9

Rhümthüneabe tüsho jinjinlaknü mulong asühshihchoh, tüshe me a küpkhuknü thsümünimshihchoh.

T H S AN GYU T H S AN GR ARÜ 10:1

Ashekhi somünaknü arhümthüneabe arhüm mükede kamshihchoh, junangde aninikhüh makhakhinü lümlung tüsho akinashu lakphüneanchoh.

T H S AN GYU T H S AN GR ARÜ 4:2

Tüsho inü lümdo, kheakü rhangdung larü kheaknü asherü alü kuhi lah;

T H S AN GYU T H S AN GR ARÜ 7:8

Tümükhüh atankihkhi kheaknü a akheamkhi atsübe; kükheangküyang kheaknü a arümkheam atsübe.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 4:10

Nü muzho küdükhüh niungla, I tsübe, I yamkhünbe! nü muzho a küdükhüh yukhu kheaknü atsübe, tüsho püpü thüneathürabe kheaknü nü rhüm thüneakhi atsübe la!

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

JONA 4:3

Tüsho kheakü, O Atungpuh , muzhobah I kheaknü I rhangdung luang, tümüde I thsungkheak a alapü kheaknü ashekhi atsübe ah.”

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

IBRI 11:2

Tümüde ha hode adüso mihtsürübonü Thrünpuhnü amülüjihkhi leangkhi.

IBRI 11:39

Harü alala arü akin hode thiyumütsan atsü thsüde ngü, tütüshe alokhikhi a müleangkhi,

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

RUTH 3:14

Jumonü alibenü yapsu khiungde ajing kheak yap, tüsho hanrü-akiu mümütsanchokinü asürü. Tüsho apinü tha, “ Alibe rhimopung ching arükheah de dümükheahshih.”