T H S AN GYU T H S AN GR ARÜ 6:3 - AMÜSÜH HÜM CL Bible (BSI)

³ Mihtsürü khülangnü tsührü 100 lapü kuklah; apinü rhangdung ching masühsho, yungsho kiuyuka mübahsho, shea zübekhi khungarü khülang ju api kheaknü atsübe ah de inü thachoh.

T H S AN GYU T H S AN GR ARÜ 6:3 Iomraidhean Croise

THRÜNTAN 33:5

Apinü abinkih-a kheahbah aliberübo le tsührübo ngü, tüsho tha, “Nü lung harü ha sherü a?” Apinü alo, “Thrünpuhnü nü yamlarü kilim muzhode ajihkhi tsührübo ah.”

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

2 KIULONG THSÜRÜ 10:1

Kheakü Samaria ching Ahab tsührü athrürü 70 lakheah. Jumonü Jehunü kihümbo thrüt tüsho Samaria lim, Jezreel yakzanshuhrübo, azothsürübo, tüsho Ahab tsührü kümrübo kilim yüshihde tha,

2 KIULONG THSÜRÜ 9:35

Tüshe küyimki arünü anihbe kiuyuka bahpü yükhea, arünü alibe kuro le jing tüsho amüyilungbo lang ngü.

1 KIUTHSÜYUKHEAN 28:5

Tüsho I tsührübo lungnü (tümüde Atungpuhnü I kilim tsührü ahihdo jih) apinü I tsührü Solomon Israel kurungkheak A TUN GPU H kiulongthsü-binkiu kheak binpü mokhit.

2 KIUTHSÜYUKHEAN 11:21

Rehoboamnü aniube tüsho hanniube püpü alala kheaknü Absalom tsührübe Maaka muzho (apinü aniube 18 tüsho hanniube 60 lu, tüsho tsührü 28 le tsührübe 60 abuh kam.)

ESTER 5:11

Apinü kükheangde alakhit, tsührü athrürü hihde alakhi, kiulongthsüpuhnü atorü kamshihkhi, tüsho püpürü torü kheaknü kiulongthsüpuhnü api alü yihnüpü thsüde azokhi arü ki huh.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

JOB HU H T ANYU 3:11

Tümüde zübechoki I müshekhea, I nuyam chingnü akhiukchoki tümüde müdükheakkhea?

JOB HU H T ANYU 3:16

Yungsho tümüde shea-zübekhi khungarü nangde, ayin küyimkishe müngükhi khungarü nangde I kiuyuka mübahkhea?

MUNGSHIKHÜN 58:8

Arübo chinahololobe leamde atsahkhi nangde, küyimkishe ani müngüpü thsüde shea zübekhi khungarü nangde kamshang.

MÜCHITMUDU 17:6

Tsührü tsührübo ju ashinbuhrü kuthran ah, tüsho tsührübo müretahkhi ju arü abuhbo ah.

T H S AN GYU T H S AN GR ARÜ 4:3

tüshe shepü müzübe tüsho alomiküp ching amütsü rhimobo müngünü ane chido kheaknü atsübe ah.

T H S AN GYU T H S AN GR ARÜ 6:4

Tümüde ju akeangkeang ching arüchoh tüsho amiting ching yüchoh, tüsho amiting ching ju mung muhiudoa lah;

JEREMIA 22:19

Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 36:30

Jumonü Juda kiulongthsüpuh Jehoiakim dünkheak Atungpuhnü ha thachoh: David kiulongthsü-binkiu kheak binpü api a she müla, tüsho api ashemi animuro atak ching bahbah tüsho azhing ching thüwün ching bahbah.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

MATHI 26:24

Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”