T H S AN GYU T H S AN GR ARÜ 6:2 - AMÜSÜH HÜM CL Bible (BSI)

² sherü kilim Thrünpuhnü lakhit, yamalo tüsho akinashu jihcho, junangde arünü akünkhi tümü she amülakhi müla, tütüshe Thrünpuhnü arü ki harü kukrukbo kheak masühshih tüshe hanrü khülangnü jurü yihnüpü thsüchoh. Ha akeangkeang; ha amütsüdakbe lah.

T H S AN GYU T H S AN GR ARÜ 6:2 Iomraidhean Croise

1 KIULONG THSÜRÜ 3:13

Nünü amükheangkhi lakhit tüsho nü rhangdung amuyung wüntre lapü she inü nü kilim jihchoh; kiulongthsürü püpürü nü nangde müla.

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

1 KIUTHSÜYUKHEAN 29:28

Api tsüde ashinkhi kim, nimungbo khiukdahbah, lakhitde tüsho wüntrede lade she; tüsho api tsührü Solomonnü api müthri.

2 KIUTHSÜYUKHEAN 1:11

Thrünpuhnü Solomon ki alo, “Tümütüsho ha nü mulong ching laa lah, tüsho nünü alakukruk, lakhit, wüntrepü, yungsho nünü athraneanrü rhangdung thsungkheak mükheang, tüsho kutsüp thsungkheak she mükheang, tüshe nünü I mihtsürü kurungkheak inü nü kiulongthsürü kamshihkhi yakzan shuhkhukpü thsüde lümlung tüsho mükheahmudu kheang,

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MUNGSHIKHÜN 73:7

Arü mükbo shihkihkhinü bümchoh, arü mulongbo amütsünü zhikhiuklah.

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

T H S AN GYU T H S AN GR ARÜ 4:8

bümlangzü zhikrangkhündo, tsührübo tüsho keoniorübo mülade khürü lah; tütüshe api rhimo alala ching arün müla, tüsho api lakhit kheak api mük mümi. Apinü küyimkishe mükeokhi, “ I ha she thsungkheak rhimocho, tüsho I a asüh-a mulu le?” Ha she akeangkeang tüsho masühbe rhimo lah.

T H S AN GYU T H S AN GR ARÜ 5:13

Inü alomiküp ching amütsübe ngüdo: mihtsürübonü nihbuh yuripü lakhit zomukhungdo,

T H S AN GYU T H S AN GR ARÜ 5:16

Ha she amütsübe lah: arü arükhi nangde, arü tsolobah; tüsho apung thsungkheak rhimokhi chingnü arü tümü alü ngüde?

T H S AN GYU T H S AN GR ARÜ 5:18

Inü ha yimkhitdo: Thrünpuhnü isa kilim jihkhi rhangdung nimung anükhüh ching alomiküp ching rhimokhi alala lung atsühpü tüsho ayungpü tüsho asühachihkhi lapü atsübe lah; tümüde ha isa shihcham lah.

T H S AN GYU T H S AN GR ARÜ 5:19

Junangde sherü kilim Thrünpuhnü lakhit tüsho yamalo tüsho shepü ki apinü jurü asühshihkhukcho, tüsho arü shihcham leangkhide tüsho arü rhimo ching asühpü ngüchonü–ha Thrünpuh thsambah ah.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

HOSEA 7:9

Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

MAHKHAPRÜ 18:10

Küyimki nüsa yübanü, kuram tsükhi mihtsürü tüsho alo ato ching arübah. Tümüde ha lomi kheak tümü müngüde mülapung dangpung khülang Thrünpuhnü nüsa khah ching jihdo.”