T H S AN GYU T H S AN GR ARÜ 6:12 - AMÜSÜH HÜM CL Bible (BSI)

¹² Tümüde arünü alamme khülang ruk hode, arü akeangkeang rhangdung nimung anükhüh lachoki mihtsürübo thsungkheaknü shepünü atsü tümü mükheahla? Api she dunglim alomiküp ching tümü dünjibanü shenü thakhukla?

T H S AN GYU T H S AN GR ARÜ 6:12 Iomraidhean Croise

1 KIUTHSÜYUKHEAN 29:15

Tümüde isa le isa jipürübo nü miki khiungkerü tüsho nahde atsopü lah; alomi kheak isa nimungbo me khülang nangde lah, tüsho ju ching mulonglam müla.

JOB HU H T ANYU 14:2

sangbün khülang nangde asürüchoh tüsho yiuhabahchoh, alamme khülang nangde tsochoh tüsho kheamabahchoh.

JOB HU H T ANYU 14:21

Api tsührübo mungshimungthu ngüchoh tüshe apinü ju mümükheah; arü thokheamchoh tüsho ju mümükheahde yüchoh.

JOB HU H T ANYU 8:9

tümüde isa yini yo ah tüsho isanü tümü mümükheah, tümüde alomi kheak isa nimungbo alamme khülang ah.

MUNGSHIKHÜN 102:11

I nimungbo ju ashangkhi me khülang nangde lah, tüsho rim nangde yiuhabahchoh.

MUNGSHIKHÜN 109:23

Arelim alamme nangde I tsoabahdo; tangkho nangde I yünde tsodo.

MUNGSHIKHÜN 144:4

Mihtsürü ju sheak khülang ah; api nimungbo ju hoabahkhi me nangde lah.

MUNGSHIKHÜN 16:5

Atungpuh ju inü amokhitkhi shihcham tüsho I pung; I kuhi nü khah ching lah.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 4:6

Ahihkhühnü thachoh, “Shenü isa ki atsü huhba?” Atungpuh , nü miro ayin isa kheak tahshang.

MUNGSHIKHÜN 47:4

Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

MUNGSHIKHÜN 89:47

I kim küde khihlanü lümkhitang; tümüde nünü mihtsürü tsührübo akeangkeang ching thrünkhea?

T H S AN GYU T H S AN GR ARÜ 10:14

makharünü a athakhi lang thachoh. Tümü dünjibanü shenü she mümükheah; tüsho api dunglim tümü dünjibanü api ki shepünü thakhukla?

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

T H S AN GYU T H S AN GR ARÜ 2:3

Yukhunü I pang asühshihpü thsüde tüsho küde thsah makhakhi kheak ramloba, thüning bukkhüp mihtsürübonü arü rhangdung lakhi nimung anükhüh kim ching tümü atsü rhimobeanü inü müyimkhityi khiungde inü I lümlung bede I lümkhi yimdo.

T H S AN GYU T H S AN GR ARÜ 3:22

Jumonü alalanü arü rhimo ching asühachihpü kheak hode tümü atsüdak müla, tümüde ju arü shihcham lah; arü dunglim tümü labanü shepünü arü ki handarü angüshihkhukba?

T H S AN GYU T H S AN GR ARÜ 6:11

Thiyu hihsho, akeangkeang hihlah, jumonü küde thsah khürü ju atsübe lapü?

T H S AN GYU T H S AN GR ARÜ 7:15

I rhangdung akeangkeang ching inü lüpdükhi ngüdo; thiyuro mihtsürü api thiyuro-lungki ching dükheakchoh, tüsho mihbukmuyuk mihtsürü api amütsü rhimokhi ching rhangdung ashang lah.

T H S AN GYU T H S AN GR ARÜ 8:13

tüshe mihbukmuyuk ki a tsüde müla, yungsho alamme khülang nangde alakhi arü nimungbo mushuhakhin, tümütüsho arünü Thrünpuh miki trede müzhip.

T H S AN GYU T H S AN GR ARÜ 8:7

Dükde, tümü dünjibanü arünü mümükheah, tümüde ju küruk labanü shenü arü ki thakhukpü?

T H S AN GYU T H S AN GR ARÜ 9:6

Arü amuzho tüsho arü thraneankhi tüsho arü mükthsü dükheakabahdo; alomiküp ching dünjikhi alala ching kheaküa arü shihcham tümü müla.

T H S AN GYU T H S AN GR ARÜ 9:9

Alomiküp ching Thrünpuhnü nü kilim jihkhi akeangkeang rhangdung nimungbo alala ching nünü muzhokhi nü yamkhünbe lung asühang, tümütüsho ju alomiküp ching nü rhimo tüsho rhangdung ching nü shihcham lah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

JAKOB 4:14

Nüsanü shido tümü dünjibanü mümükheah. Nüsa rhangdung ju tümü a? Tümüde nüsa ju shumuliu anükhühkheak labah kheamabahkhi nangde lah.