T H S AN GYU T H S AN GR ARÜ 5:7 - AMÜSÜH HÜM CL Bible (BSI)

⁷ Milim hihkhibo tüsho thiyu hihkhibo akeangkeang; tüshe Thrünpuh treang.

T H S AN GYU T H S AN GR ARÜ 5:7 Iomraidhean Croise

MÜCHITMUDU 23:17

Nü mulongnü aneakrü mükdüthsü, tüshe kamruhroro Atungpuh trepü künsahde laang.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

T H S AN GYU T H S AN GR ARÜ 3:14

Tümüpürü Thrünpuhnü thsüchonü lünnü tsüpde alabah de inü mükheahlah; tümü she ju ching muyukajakkhuk, yungsho ju chingnü tümükhüh she müyihkhit; Thrünpuhnü ha rhimodo, junangde alalanü api miki trede azhipbah.

T H S AN GYU T H S AN GR ARÜ 3:16

Kheaküshe alomiküp ching thiyuro lapung ching mihbukmuyuk lakhi inü ngü, tüsho thiyuro-lungki ching she mihbukmuyuk lakheah.

T H S AN GYU T H S AN GR ARÜ 5:3

Tümütüsho limmülim rhimokhi ahihdo chingnü milimbo michoh, tüsho thiyu hihde athakhi chingnü makhakhi arüchoh.

T H S AN GYU T H S AN GR ARÜ 7:18

Nünü khülang she müdükhede püpü ramlopü ju atsü lah; tümüde shepünü Thrünpuh trebanü ane chido akuk ngübah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

T H S AN GYU T H S AN GR ARÜ 8:13

tüshe mihbukmuyuk ki a tsüde müla, yungsho alamme khülang nangde alakhi arü nimungbo mushuhakhin, tümütüsho arünü Thrünpuh miki trede müzhip.

T H S AN GYU T H S AN GR ARÜ 8:9

Ha alala inü ngüdo, tüsho alomiküp ching rhimokhi lüpdükhi ching I mulong jihdo: mihtsürü khürünü nihbuh yuripü thsüde püpürü kheak yakzan shuhkhi kim khülang lah.

MATHI 12:36

Tüshe mihtsürünü mükümkang yu thakhi aban dünkheak mahkhap nimung arünü thiyusheak jihbah de inü nüsa ki thachoh.