T H S AN GYU T H S AN GR ARÜ 5:4 - AMÜSÜH HÜM CL Bible (BSI)

⁴ Küyimki nünü Thrünpuh ki thiyuchihchim khülang thsübanü, ju akuk ngüde arhimopü dashu; tümüde makhakhibo ching api asühpü müla. Nünü tümü thiyuchihchima lanü rhimoang.

T H S AN GYU T H S AN GR ARÜ 5:4 Iomraidhean Croise

THRÜNTAN 28:20

Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho,

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

MUNGSHIKHÜN 116:14

Kheakü api mihtsürü alala miki inü Atungpuh kilim thiyuchihchim jihbah.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 22:25

Amukhungrü ato ching inü nü shijihbah; api trerü miki inü thiyuchihchimkhi jihbah.

MUNGSHIKHÜN 50:14

Makshe jihde shuhmülanga kingaünkhi Atungpuh kilim jihang, tüsho Khide Achangbuh kilim nünü thiyuchihchimkhi jihang;

MUNGSHIKHÜN 76:11

Atungpuh nü Thrünpuh ki thiyuchihchimang tüsho jurü dünjishang; api mükamde alarünü atrepü thsüde api kilim thsambahbo lude arüshang.

MÜCHITMUDU 20:25

Tümükhüh nanachihde müsühkhitde kingaünbah ashulim api thiyuchihchim lümloakheahkhi ju mihtsürü thsungkheaknü müthrim khülang lah.

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

JONA 2:9

Tüshe inü makshe-jihkhi düsheaknü nü ki laksah-a kingaünbah; tümü inü thiyuchihchimkheanü inü ajihbah. Akhümkhitpü ju Atungpuh yo ah!”

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

WÜHKHE 30:2

Mihtsürü khülangnü Atungpuh ki thiyuchihchimsho, yungsho tangzüngachihde thiyuchihchimsho, apinü nihbuh yu müthsümünim; apinü amün chingnü athakhi yande lüpdükhi rhimobeah.

MATHI 5:33

“Kheaküshe adüso mihtsürübo ki thakhi nüsanü sodo, ‘Nünü thiyuchihchimkhi düthsümünim, tüshe nünü Atungpuh ki thiyuchihchimkhi ju rhimoang.’

IBRI 10:6

taka kingaünkhi tüsho neak kingaünbo ching nünü masüh.

MAHKHAPRÜ 11:35

Küyimki apinü alibe ngükhea, apinü akhim thorüp tüsho zhi, “O! I tsah-a! Nünü I mulong rozhakde thsünüshihdo, tümütüsho inü Atungpuh kilim müthsümünimpü thsüde thiyuchihchim khülang thsüdo.”