T H S AN GYU T H S AN GR ARÜ 5:10 - AMÜSÜH HÜM CL Bible (BSI)

¹⁰ Sho muzhorünü sho kheak reangmükeam; yungsho lakhit muzhorünü alü thsükhi kheak reangmükeam. Ha she akeangkeang.

T H S AN GYU T H S AN GR ARÜ 5:10 Iomraidhean Croise

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

T H S AN GYU T H S AN GR ARÜ 1:17

Lümlung tüsho bünkeangbünru le makhakhi dükeak mükheahpü inü lümakheahdo. Tüshe ha she apung dunglim müshamkhi ruk inü anikhitdo.

T H S AN GYU T H S AN GR ARÜ 1:8

Alala mukhiukmulukbe lang ah; khürünü athakhukbe kheaknü alü; angükhinü mük mümi yungsho asokhinü nükhün mümi.

T H S AN GYU T H S AN GR ARÜ 2:10

I müknü akünkhibo chingnü inü mutuklo; shih asühkhi tümü chingnü she inü I mulong muwuhlo, tümüde inü arhimokhi alala ching I mulongnü asühkhi ngü, tüsho ha I rhimo thsungkheaknü I thsambah lakheah.

T H S AN GYU T H S AN GR ARÜ 2:11

Judüki I khahnü arhimokhi alala tüsho kim bahde ju rhimokhibo inü lümakheah, tüsho kheaküshe, alala akeangkeang tüsho apung dunglim müshamkhi lakheah, tüsho alomiküp ching alü thsüpü tümü she mülakheah.

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

T H S AN GYU T H S AN GR ARÜ 3:19

Tümüde mihtsürü tüsho shiwühbo kuhi-shihcham rukhüh lang ah; khürü shesho, püpürü she shechoh. Arü alala sheak rukhüh lah, tüsho shiwühbo kurungkheak mihtsürübo alü tümü müla; tümüde alala akeangkeang.

T H S AN GYU T H S AN GR ARÜ 4:16

apinü abekhi mihtsürü akheamarün müla; tütüshe sherübo ashulim arüchonü api kheak masüh. Tsükjide ha she akeangkeang tüsho apung dunglim müshamchoh.

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

T H S AN GYU T H S AN GR ARÜ 4:8

bümlangzü zhikrangkhündo, tsührübo tüsho keoniorübo mülade khürü lah; tütüshe api rhimo alala ching arün müla, tüsho api lakhit kheak api mük mümi. Apinü küyimkishe mükeokhi, “ I ha she thsungkheak rhimocho, tüsho I a asüh-a mulu le?” Ha she akeangkeang tüsho masühbe rhimo lah.

T H S AN GYU T H S AN GR ARÜ 5:9

Kheaküshe thulu chingnü alü ngükhi ju alala thsungkheaknü lah; kiulongthsüpuh she alo kheak düthsün angülah.

T H S AN GYU T H S AN GR ARÜ 6:7

Mihtsürü rhimo alala atsühpü thsungkheak ah, tütüshe atsühnekhi reangmükeam.

MATHI 6:19

“Ari le thrungnü atsühpung tüsho ahührünü chakashungde yüzahbah ahühpü lakhi alomi kheak nüsa lakhitbo dühanmukhung;

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.