T H S AN GYU T H S AN GR ARÜ 4:1 - AMÜSÜH HÜM CL Bible (BSI)

¹ Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

T H S AN GYU T H S AN GR ARÜ 4:1 Iomraidhean Croise

JOB HU H T ANYU 16:4

Nüsa I ruk ha lakhülaa, inü she nüsa ruk thakhukbah; nüsa azhihde inü thiyu zhidode athabah tüsho nüsa kheak I ku angambah.

JOB HU H T ANYU 35:9

Tümütüsho junokhi hihkhi hode mihtsürübonü zhichoh; khürünü arü khümkhitshihpü thsungkheak jichoh.

JOB HU H T ANYU 6:29

Rholoang, inü tamkhüntamnüchoh, amülim dürhimo. Kheakü rholoang, I thiyuro alungki lah.

JOB HU H T ANYU 9:24

Alomi ju mihbukmuyuk khah ching jihdo; apinü mahkhaprübo mük lüpdojih– ha api yungsho, dale ju shepü a?

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

MUNGSHIKHÜN 142:5

Inü nü ki zhichoh, O Atungpuh : inü tha, Nü I tsoyukpung, arhang lakhi lomi ching I shihcham.

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 42:9

I tsungdojihrü, I Thrünpuh ki inü athabah, “Tümüde nünü I mih-a la? Tümüde I ririnü junokhinü I tüzhode ayüba?”

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

MUNGSHIKHÜN 69:21

Arünü I tsühyungbe müzüm, tüsho ayungpü asanke jih.

MUNGSHIKHÜN 80:5

Nünü isa mulong rozhak tsühshih, chike pung ato yungshih.

ABEKHIT 1:16

“Küyimki nükenü Ibrirü khungarü zübechoki mütrübanü khungarü ju athrürü a sho laksahang tüshe aliberü a sho arhang lashang.”

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

MÜCHITMUDU 19:7

Zhochihrü a nihbuh keoniorü alalanü thraneanchoh; anihbuh müyamrünü küdükhüh she api kheaknü limshude tsocho! Apinü arü mushude müshamsham she, arünü api bahyukchoh.

MÜCHITMUDU 28:3

Yakzanshuhrü khülang shepünü zhochihrü junochonü hi maningshihde adütsütkhi tsüng nangde lah.

MÜCHITMUDU 29:2

Küyimki thiyuro-lungkirünü yakzan shuhbanü, mihtsürübo asühachihchoh; küyimki mihbukmuyuknü yakzan shuhbanü, mihtsürübo phüthsaksümchoh.

T H S AN GYU T H S AN GR ARÜ 3:16

Kheaküshe alomiküp ching thiyuro lapung ching mihbukmuyuk lakhi inü ngü, tüsho thiyuro-lungki ching she mihbukmuyuk lakheah.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

T H S AN GYU T H S AN GR ARÜ 7:7

Tsükjide ajunokhinü lümlung larü makhashihchoh, tüsho buknimnü mulong thsümünimchoh.

T H S AN GYU T H S AN GR ARÜ 8:9

Ha alala inü ngüdo, tüsho alomiküp ching rhimokhi lüpdükhi ching I mulong jihdo: mihtsürü khürünü nihbuh yuripü thsüde püpürü kheak yakzan shuhkhi kim khülang lah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 51:23

Tüsho inü ju nü thsümüchirü khah ching yukjihbah, shepünü nü ki tha, “Mükhümang, junangde isanü nü kheak tsahanü;” tüsho nünü nü düthsün ju atsahpung lo nangde tüsho arü thsungkheak kiudunglimro nangde kamshih.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

JEREMIA 16:7

Ashekhi mitriprü shukheamde ajihpü shenü yikhap müyihnak; yungsho shenü arü buhrü yungsho berü thsungkheak shukheamkhi pung muduh.

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 1:17

Zionnü akhahbo chungkhitchoh, tüshe anihbe shukheamrü she müla; Atungpuhnü Jakob azhihde thiyukhüm jihdo, junangde api yamhingrübo anihbuh riri kambah; arü bolung Jirusalem a amüneankhi kamdo.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.