T H S AN GYU T H S AN GR ARÜ 3:7 - AMÜSÜH HÜM CL Bible (BSI)

⁷ arukrüppü kim khülang, tüsho athürepü kim khülang; zhikde alapü kim khülang, tüsho athapü kim khülang;

T H S AN GYU T H S AN GR ARÜ 3:7 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

THRÜNTAN 44:18

Judüki Judanü api thüninde yü tüsho tha: “O I tungpuh, muzhobah nü yamlarünü I tungpuhnü sode thiyu khülang thashang; tümüde nü a Pharao ruk ah.

THRÜNTAN 44:34

Tümüde I lung azübuh mübede inü küde thsah I buh kilim yüpü? I buh kheak thsümütsü arüpü lakhi inü trelah.”

2 SAMUEL 1:11

Judüki Davidnü akhim kheak tholobah rukrüp; tüsho api lung larü mihtsürü alalanü ju ruk thsü.

2 SAMUEL 3:31

Judüki Davidnü Joab tüsho api lung lakhi mihtsürü alala ki tha, “Nüsa khimmih rukrüpang, tüsho shungliukhim yukbah Abner dünkheak tüzhoang.” Tüsho kiulongthsüpuh Davidnü kung dunglim yan.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 18:36

Tüshe mihtsürübonü malan tüsho api ki thiyu khülang she malo, tümüde kiulongthsüpuh yukhüm ju, “Api ki dalo.”

2 KIULONG THSÜRÜ 5:7

Küyimki Israel kiulongthsüpuhnü kihüm khekhea, apinü anihbuh khim thorüp tüsho tha, “Asheshihpü yungsho rhangdung lashihpü thsüde I Thrünpuh ah de, ha buh mihtsürünü api mihtsürü apham thsüngushihpü I kilim thiyu arüshihcho de? Kheakü künangde apinü I kheak rukachihpü thsüchonü kheahang.”

2 KIULONG THSÜRÜ 6:30

Küyimki kiulongthsüpuhnü alibe yu sokhea, apinü akhim thorüp, tüsho api kiuto chipi kheak tsahde alachoki api pang alunglim shungliukhim lah de mihtsürübonü ngü.

ESTER 7:4

I mihtsürü tüsho I asheshihpü yindo. Athrürü tüsho aliberü azhorü kuhi ching yinkhi ruk lang she dükhülaa inü kiulongthsüpuh küpkhuk jihde mütha; tüshe isa asheshihpü thsüdo!”

JOB HU H T ANYU 2:13

Arünü api lung nimung thüne tüsho tsüngre thüne alo kheak bin, tüsho shenü she api ki thiyu khülang she mütha, tümüde api thsünü khide tolah de arünü ngü.

MUNGSHIKHÜN 39:2

Inü tümükhüh atsü dünkheak she thiyu müthade zhikde la! Tüshe I thsünü phünahde kam.

T H S AN GYU T H S AN GR ARÜ 3:6

ayimpü kim khülang, tüsho adükheakpü kim khülang; azopü kim khülang, tüsho jipa bahpü kim khülang;

ISAIA 36:21

Tüshe arünü malan tüsho api ki thiyu khülang she malo, tümüde kiulongthsüpuh yukhüm ju, “Api ki dalo” de alakheah.

JEREMIA 36:24

Tütüshe kiulongthsüpuh yungsho api yamlarü harü yu sorü shenü she mütre, yungsho arü khimmih muthonak.

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

TÜZHOKHI 3:28

api alangzü zhikde binshang tümütüsho Atungpuhnü api kheak ju yihkihjih-a lah,

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

AMOS 5:13

Jumonü rük larünü a hadürü kim ching malanchoh; tümüde ha amütsü kim khülang ah.

AMOS 8:3

Arüngyam khünbo ju nimung ching mitripkhi kambah,” Atungpuh Thrünpuhnü thachoh; “ashe mibo ahihdo labah, dangpung aban zhikrangkhündo alabah!”

MIKA 7:5

Müyamrü kheak akin düla, amuzhokhi kheak mulongram düla; niube-niubuh ki she nü mün kümkangang;

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 9:39

Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

1 SAMUEL 10:16

Saulnü akü ki tha, “Donkibo ngüdo de apinü ike ki thakheah.” Tüshe Samuelnü kiulongthsürü thsüpü dünkheak thakhi apinü tümü mütha.