T H S AN GYU T H S AN GR ARÜ 3:6 - AMÜSÜH HÜM CL Bible (BSI)

⁶ ayimpü kim khülang, tüsho adükheakpü kim khülang; azopü kim khülang, tüsho jipa bahpü kim khülang;

T H S AN GYU T H S AN GR ARÜ 3:6 Iomraidhean Croise

THRÜNTAN 31:18

Tüsho apinü anihbuh shiwühbo le apinü alü thsükhi kukrukbo alala, Paddan-aram ching ngükhi shiwühbo lubah Kanan lomi ching abuh Isak kilim yü.

2 KIULONG THSÜRÜ 5:26

Tüshe apinü anihbuh ki tha, “ Khürünü nü shorupü nihbuh khora-lolungbe kheaknü ajukkhichoki me ching I nü lung müyükhea de? Sho tüsho khimmih, oliv lu, tüsho kurungasolu, namfimihnu tüsho moshipung, tüsho athrürü le aliberü azhorübo leangkhipü ha kima de?

2 KIULONG THSÜRÜ 7:15

Jumonü arünü arü dunglim Jordan khiungde yü; Siriarünü niokheamchoki bahkhi khimmih tüsho thsühnukbo limro ching hiumüzüta lakhi arünü ngü. Jumonü yunithsürübonü alode arübah kiulongthsüpuh ki tha.

2 KIULONG THSÜRÜ 8:9

Jumonü Hazaelnü Damaska kukruk thsambah lubah anihbuh shorupü yü. Küyimki api yüzahbah anihbuh miki zhipkhea, apinü tha, “Nü tsührü Siria kiulongthsüpuh Ben-hadadnü I nü kilim arüshihde tha, ‘I ha tukthsü chingnü anguba shi?’”

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

T H S AN GYU T H S AN GR ARÜ 11:1

Ke kheaknü yikhap yüshang, tümüde nimung ashang dunglim nünü ju ngülobah.

T H S AN GYU T H S AN GR ARÜ 3:5

lung hiumüzütpü kim khülang, tüsho lung wumukhungpü kim khülang; kapa lupü kim khülang, tüsho akapkhi chingnü azüpü kim khülang;

T H S AN GYU T H S AN GR ARÜ 3:7

arukrüppü kim khülang, tüsho athürepü kim khülang; zhikde alapü kim khülang, tüsho athapü kim khülang;

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

JONA 1:5

Judüki sangkung berübo müyinnimde kam, tüsho mihbüm abannü nihbuh thrünpuh ki zhi. Arünü sangkung ching lakhi kukrukbo arü thsungkheaknü hiphipde akamshihpü keto ching bah. Judüchoki, Jona a sangkung damkhi kheak yüzahnü yapsherakraka lakheah.

MATHI 19:29

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

YUNIRÜBO RHIMO 27:19

Asam nipü arünü sangkungkukrukbo arü khahnü yihkhita bah.

YUNIRÜBO RHIMO 27:38

Junangde küyimki arünü suhdahde atsühkhea, wheat ju keto ching jipa bahde sangkung hiphipde kamshih.