T H S AN GYU T H S AN GR ARÜ 3:19 - AMÜSÜH HÜM CL Bible (BSI)

¹⁹ Tümüde mihtsürü tüsho shiwühbo kuhi-shihcham rukhüh lang ah; khürü shesho, püpürü she shechoh. Arü alala sheak rukhüh lah, tüsho shiwühbo kurungkheak mihtsürübo alü tümü müla; tümüde alala akeangkeang.

T H S AN GYU T H S AN GR ARÜ 3:19 Iomraidhean Croise

2 SAMUEL 14:14

Isa alala ashebah; ke alo kheak buka bahbah momukhunglopü mukukkhi nangde isa lah. Thrünpuhnü she asherü arhang mükamloshih; tüshe ramtso chingnü mihtsürü khülang belodarüpü kiulongthsüpuhnü limro khülang yimkhitbeah.

MUNGSHIKHÜN 104:29

Küyimki nü miro jikbanü, arü küpkhukchoh; nünü arü sheak lude tsochoh, arü shechoh tüsho arü yo asungthulung lim rholochoh.

MUNGSHIKHÜN 49:12

Mihtsürü wüntre ching lalashe aninga mülachoh; api ju adükheakbe shiwüh ruk ah.

MUNGSHIKHÜN 49:13

Ha nihbuh küdah thsüde mulonglamrü, tüsho arü lakhit kheak reangkeamrü kuhi ah.

MUNGSHIKHÜN 49:20

Mihtsürü khülang atoashang thsümonü ashepü chingnü mükhümkhitkhuk; api she shiwühbo ruk lang ashebah.

T H S AN GYU T H S AN GR ARÜ 1:14

Ha lomiküp ching rhimobo alala inü ngüdo; tüsho kheahang, alala akeangkeang ah, tüsho apung dunglim müshamchoh.

T H S AN GYU T H S AN GR ARÜ 1:17

Lümlung tüsho bünkeangbünru le makhakhi dükeak mükheahpü inü lümakheahdo. Tüshe ha she apung dunglim müshamkhi ruk inü anikhitdo.

T H S AN GYU T H S AN GR ARÜ 2:14

Lümlung larü a arü ku ching mük kihlah, tüshe makharübo a amiting ching tsahchoh. Tütüshe arü alala kuhi-shihcham rukhüh lang ah de inü mükheahdo.

T H S AN GYU T H S AN GR ARÜ 2:16

Tümüde makharü nangde lümlung larü mihtsürü ashangkhüh mülümkhit; arübe nimung ching ane chido mihabahbah. Makharü nangde lümlung larü she ashebah.

T H S AN GYU T H S AN GR ARÜ 7:2

Aniojikhi yam ching yükhi kheaknü mitrip yam ching yükhi atsübe; tümüde ha mihbüm aban thsungkheak akheam lah, tüsho arhang larünü ju mulong ching zobah.

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

T H S AN GYU T H S AN GR ARÜ 9:2

Lüpdükhi rukhühnü alala ki dünjichoh, thiyuro-lungki tüsho mihbukmuyuk, atsü tüsho amütsü, amüsüh tüsho amümüsüh, shuhmülanga jihrü tüsho shuhmülanga müjihrü ki rukhüh dünjichoh. Atsürü kheak nangde aneakrü kheak lah; sherünü thiyuchihchimchonü arü ju thiyuchihchim bahyukrü nangde lah.

WÜHKHE 16:29

Harü mihtsürübo ha tukthsünü shesho tüsho püpüki mihtsürü kheak dünjikhi ruk lang thsüsho, Atungpuhnü I müthiyikheah.