T H S AN GYU T H S AN GR ARÜ 3:17 - AMÜSÜH HÜM CL Bible (BSI)

¹⁷ Inü lüm, Thrünpuh nü thiyuro tüsho mihbukmuyuk mahkhapbah, tümüde yihnüpü lüpdükhi tüsho rhimo lüpdükhi thsungkheak apinü kim khülang akhukhita lah.

T H S AN GYU T H S AN GR ARÜ 3:17 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

T H S AN GYU T H S AN GR ARÜ 1:16

Inü I küdah thsüde lüm, “ I müngüh Jirusalem ching larü kheaknü alü I lümlung ato lah; tüsho I lümkhi ching lümlung tüsho mükheahmudu lakhi dünjiakheahkhi ato lado.”

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

T H S AN GYU T H S AN GR ARÜ 2:1

Inü I küdah thsüde lüm, “ Kheakü arang, inü shih asühkhi rükakia kheahanü; nü asühang.” Tüshe kheaküshe ha she akeangkeang lakheah.

T H S AN GYU T H S AN GR ARÜ 3:1

Thüning bukkhüp lüpdükhi thsungkheak akheahmünchi lah, tüsho yihnüpü aban thsungkheak kim khülang lah:

T H S AN GYU T H S AN GR ARÜ 8:6

Mihtsürü küpkhuk arü kheak mülangde lalashe, lüpdükhi thsungkheak kim tüsho yakli lah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

JOHAN 5:22

Tümüde Abuhnü sheshe mahmükhap tüshe mahkhap alala atsührü kilim jihdo,

YUNIRÜBO RHIMO 1:7

Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

1 TESALONIKA 5:1

Tüshe keoniorübo, kim tüsho nimung thsungkheaknü nüsa ki thrütpü tümü yihnüpü müla.

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,