T H S AN GYU T H S AN GR ARÜ 3:12 - AMÜSÜH HÜM CL Bible (BSI)

¹² Arü lachoki thürün arü asühpü tüsho asühachihpü kheak hode tümü atsüdak müla de inü mükheahlah;

T H S AN GYU T H S AN GR ARÜ 3:12 Iomraidhean Croise

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

T H S AN GYU T H S AN GR ARÜ 2:3

Yukhunü I pang asühshihpü thsüde tüsho küde thsah makhakhi kheak ramloba, thüning bukkhüp mihtsürübonü arü rhangdung lakhi nimung anükhüh kim ching tümü atsü rhimobeanü inü müyimkhityi khiungde inü I lümlung bede I lümkhi yimdo.

T H S AN GYU T H S AN GR ARÜ 3:22

Jumonü alalanü arü rhimo ching asühachihpü kheak hode tümü atsüdak müla, tümüde ju arü shihcham lah; arü dunglim tümü labanü shepünü arü ki handarü angüshihkhukba?

T H S AN GYU T H S AN GR ARÜ 8:15

Jumonü asühde alapü inü thachoh, tümüde mihtsürü thsungkheaknü alomiküp ching atsühpü, ayungpü tüsho asühpü kheaknü tümü atsübe müla, tümüde ha alomiküp ching Thrünpuhnü api jihkhi rhangdung ching ha rhimobah.

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

YUZÜNGTHALO 12:18

tüshe nü tüsho nü tsührü le tsührübe, yamlarü athrürü le aliberübo tüsho kiutobo ching larü Levirübonü jurübo Atungpuh nüsa Thrünpuh miki apinü amokhitkhi dangpungnü tsühang; tüsho nüsanü arhimokhi alala ching Atungpuh miki asühachihang.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

YUZÜNGTHALO 26:11

Tüsho nü le Levirü tüsho nüsa lung lakhi khiungkerünü Atungpuh nü Thrünpuhnü nü tüsho nü yamkhün kilim jihkhi atsübo alala ching asühachihbah.

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,