T H S AN GYU T H S AN GR ARÜ 2:8 - AMÜSÜH HÜM CL Bible (BSI)

⁸ Kheaküshe inü I thsungkheak shotoyinchi le suna tüsho kiulongthsürü tüsho lomibo rahpung hanmukhung; khün thsürübo, athrürü tüsho aliberü chido lakheah, shih asühde la tüsho hanniuberü ahihdo lakheah.

T H S AN GYU T H S AN GR ARÜ 2:8 Iomraidhean Croise

2 SAMUEL 19:35

Khihni I kam 80 azorü ah; atsü tüsho amütsü dükeak inü kheahkhitkhukla de? Nü yamlarünü atsühkhi yungsho ayungkhibo mütsanla de? Athrürü tüsho aliberübonü khünbo thsükhi düsheak inü sokhukla de? Dale tümü thsüpü nü yamlarü ju I tungpuh kiulongthsüpuh kheak hahmülang alü kamshihpü?

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:14

Kam khülang ching Solomon kilim arükhi suna ju khahngak 23,000 bande lakheah,

1 KIULONG THSÜRÜ 10:21

Solomon yungbe pungbo alala sunanü thsü, tüsho Lebanon Murung Yam ching lakhi pungphurubo ju suna müthsünnü thsü, shotoyinchi a mulu, tümüde Solomon nimungbo ching ju amo-achak ah de mülüm.

1 KIULONG THSÜRÜ 11:3

Api niuberü 700 tüsho hanniuberü 300 lakheah; tüsho api niuberübonü api mulong bephülapjih.

1 KIULONG THSÜRÜ 14:27

jumonü kiulongthsüpuhnü jurü müthri müwayinchi tsung thsü, tüsho jurübo kiulongthsüpuh ripit aheangrü torü khah ching jih.

1 KIULONG THSÜRÜ 9:14

Tüshe Hiramnü kiulongthsüpuh kilim suna khahngak 4000 akumung mühah.

1 KIULONG THSÜRÜ 9:28

Arünü Ophir lim yü, tüsho suna khahngak 14,000 akumung lude arübah kiulongthsüpuh Solomon ki jih.

1 KIUTHSÜYUKHEAN 25:1

David tüsho bonungrü atorübonü, bingkhung, bingshang, tüsho larüpbo shuhbah müchitmudude tankihpü thsungkheaknü Asaph, Heman tüsho Jeduthun arü tsührübo bemuwuh. Rhimorü tüsho arü rhimobo:

1 KIUTHSÜYUKHEAN 25:6

Arü alala larüp, bingshang, tüsho bingkhungbo shuhbah Atungpuh yam ching khün khungde, Thrünpuh yam ching mukhungmüdan thsungkheaknü arü abuhnü khuhlangahuhkhi khüp lakheah. Asaph, Jeduthun, tüsho Heman arü kiulongthsüpuh yukhüm khüp lakheah.

2 KIUTHSÜYUKHEAN 9:11

Kiulongthsüpuhnü algum sangnü Atungpuh yam tüsho kiulongthsüpuh yam jing jungpung, bingkhung tüsho bingshangbo she khün thsürü thsungkheaknü thsü; müngühlim Juda lomi ching jurü nangde müngüakheah.

EZRA 2:65

kheaküshe athrürü tüsho aliberü yamlarübo 7337, khün thsürü athrürü tüsho aliberü 200,

T H S AN GYU T H S AN GR ARÜ 1:2

Akeangkeang, akeangkeang, Thsangyuthsangrarünü tha, akeangkeang, akeangkeang! Alala akeangkeang.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 3:5

Nüsanü shihjuh, khungpi, hulipungpung, bingkhung, bingshang, huhpungbo tüsho khün mungji alala düsheak sosho khukningbeah tüsho kiulongthsüpuh Nebukednezarnü thsüa zhipshihkhi mejak kingaünang.

DANIEL 3:7

Jumonü, arünü khün mungjibo düsheak soakede, mihtsürü alala, trükshih tüsho thiyutha aban mihtsürübonü khukning tüsho kiulongthsüpuh Nebukednezarnü thsüa zhipshihkhi suna mejak kingaün.

AMOS 6:5

shepünü khün müjimpü küncho, tüsho David nangde khün-khungbe kingcho;