T H S AN GYU T H S AN GR ARÜ 2:10 - AMÜSÜH HÜM CL Bible (BSI)

¹⁰ I müknü akünkhibo chingnü inü mutuklo; shih asühkhi tümü chingnü she inü I mulong muwuhlo, tümüde inü arhimokhi alala ching I mulongnü asühkhi ngü, tüsho ha I rhimo thsungkheaknü I thsambah lakheah.

T H S AN GYU T H S AN GR ARÜ 2:10 Iomraidhean Croise

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

JOB HU H T ANYU 31:1

Inü I mükbo bede tangzüng khülang thsüdo; dale küde thsah inü anünürü kheak kheahkhukpü?

MUNGSHIKHÜN 119:37

Müthülünkhi kukrukbo kheahkhi chingnü I mükbo rholoshang, tüsho nü limro ching I thsüphulojang.

MUNGSHIKHÜN 128:2

Küyimki nünü nü khahnü arhimokhi tsühbanü, nü asühbah, tüsho nü tsüde alabah.

MÜCHITMUDU 23:5

Tümüde atsütsünü lakhitbonü arü ghi thsüchoh; arünü müleang nangde thüning lim phinde tsochoh.

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

T H S AN GYU T H S AN GR ARÜ 2:1

Inü I küdah thsüde lüm, “ Kheakü arang, inü shih asühkhi rükakia kheahanü; nü asühang.” Tüshe kheaküshe ha she akeangkeang lakheah.

T H S AN GYU T H S AN GR ARÜ 2:22

Mihtsürübonü alomiküp ching rhimokhi tüsho mulong rozhak alala chingnü tümü alü ngücho?

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

T H S AN GYU T H S AN GR ARÜ 3:22

Jumonü alalanü arü rhimo ching asühachihpü kheak hode tümü atsüdak müla, tümüde ju arü shihcham lah; arü dunglim tümü labanü shepünü arü ki handarü angüshihkhukba?

T H S AN GYU T H S AN GR ARÜ 5:10

Sho muzhorünü sho kheak reangmükeam; yungsho lakhit muzhorünü alü thsükhi kheak reangmükeam. Ha she akeangkeang.

T H S AN GYU T H S AN GR ARÜ 5:17

Ju lung, arü nimungbo alala arünü amiting ching khide küpkhukde, tukthsüde tüsho bukakhiukde tsühyungdo.

T H S AN GYU T H S AN GR ARÜ 5:18

Inü ha yimkhitdo: Thrünpuhnü isa kilim jihkhi rhangdung nimung anükhüh ching alomiküp ching rhimokhi alala lung atsühpü tüsho ayungpü tüsho asühachihkhi lapü atsübe lah; tümüde ha isa shihcham lah.

T H S AN GYU T H S AN GR ARÜ 6:2

sherü kilim Thrünpuhnü lakhit, yamalo tüsho akinashu jihcho, junangde arünü akünkhi tümü she amülakhi müla, tütüshe Thrünpuhnü arü ki harü kukrukbo kheak masühshih tüshe hanrü khülangnü jurü yihnüpü thsüchoh. Ha akeangkeang; ha amütsüdakbe lah.

T H S AN GYU T H S AN GR ARÜ 6:9

Künde alümkhi kheaknü a müknü angükhi atsübe ah; ha she akeangkeang tüsho apung dunglim müshamkhi lah.

T H S AN GYU T H S AN GR ARÜ 8:15

Jumonü asühde alapü inü thachoh, tümüde mihtsürü thsungkheaknü alomiküp ching atsühpü, ayungpü tüsho asühpü kheaknü tümü atsübe müla, tümüde ha alomiküp ching Thrünpuhnü api jihkhi rhangdung ching ha rhimobah.

T H S AN GYU T H S AN GR ARÜ 9:6

Arü amuzho tüsho arü thraneankhi tüsho arü mükthsü dükheakabahdo; alomiküp ching dünjikhi alala ching kheaküa arü shihcham tümü müla.

T H S AN GYU T H S AN GR ARÜ 9:9

Alomiküp ching Thrünpuhnü nü kilim jihkhi akeangkeang rhangdung nimungbo alala ching nünü muzhokhi nü yamkhünbe lung asühang, tümütüsho ju alomiküp ching nü rhimo tüsho rhangdung ching nü shihcham lah.

1 JOHAN 2:16

Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah.

MAHKHAPRÜ 14:2

Jumonü apinü wutu tüsho abuh le abe ki tha, “ Timna ching Filistia liberü anünürü khülang inü ngüdo; jumonü kheakü alibe ju I niube thsüpü lujang.”