T H S AN GYU T H S AN GR ARÜ 12:13 - AMÜSÜH HÜM CL Bible (BSI)

¹³ Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

T H S AN GYU T H S AN GR ARÜ 12:13 Iomraidhean Croise

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

1 KIULONG THSÜRÜ 2:3

tüsho Mosa yakzan ching thrüta lakhi nangde api limrobo ching tsahde, api yakzanbo, api yukhümbo, api yuzüngbo tüsho api thiyumütsanbo anide Atungpuh nü Thrünpuhnü thiyukhüm jihkhibo zoang, junangde nünü arhimokhi alala ching tüsho nü yüpungbo ching akuk ngübah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 145:19

Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 19:23

Atungpuh trekhinü rhangdung lim bechoh, tüsho shepü ha lanü reangkeamde alabah; api a thsümütsü müngü.

MÜCHITMUDU 23:17

Nü mulongnü aneakrü mükdüthsü, tüshe kamruhroro Atungpuh trepü künsahde laang.

T H S AN GYU T H S AN GR ARÜ 2:3

Yukhunü I pang asühshihpü thsüde tüsho küde thsah makhakhi kheak ramloba, thüning bukkhüp mihtsürübonü arü rhangdung lakhi nimung anükhüh kim ching tümü atsü rhimobeanü inü müyimkhityi khiungde inü I lümlung bede I lümkhi yimdo.

T H S AN GYU T H S AN GR ARÜ 3:14

Tümüpürü Thrünpuhnü thsüchonü lünnü tsüpde alabah de inü mükheahlah; tümü she ju ching muyukajakkhuk, yungsho ju chingnü tümükhüh she müyihkhit; Thrünpuhnü ha rhimodo, junangde alalanü api miki trede azhipbah.

T H S AN GYU T H S AN GR ARÜ 5:7

Milim hihkhibo tüsho thiyu hihkhibo akeangkeang; tüshe Thrünpuh treang.

T H S AN GYU T H S AN GR ARÜ 6:12

Tümüde arünü alamme khülang ruk hode, arü akeangkeang rhangdung nimung anükhüh lachoki mihtsürübo thsungkheaknü shepünü atsü tümü mükheahla? Api she dunglim alomiküp ching tümü dünjibanü shenü thakhukla?

T H S AN GYU T H S AN GR ARÜ 7:18

Nünü khülang she müdükhede püpü ramlopü ju atsü lah; tümüde shepünü Thrünpuh trebanü ane chido akuk ngübah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

T H S AN GYU T H S AN GR ARÜ 8:5

Sherünü thiyukhüm anibanü athsümünim mushoru, tüsho lümlung larü lümnü kim tüsho yakli mükheahbah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 4:10

künangde nüsa Atungpuh nüsa Thrünpuh miki Horeb ching zhipchoki Atungpuhnü I ki tha, Mihtsürübo I ki bemukhungang; tüsho inü I yu soshihbah, junangde arü alomi ching lachoki rhangdung amuyungnü I wüntrepü mükheahbah, tüsho arünü tsührübo ki thsangyubah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

YUZÜNGTHALO 6:2

ju ruk inü nüsa, nüsa tsührü tüsho tsührütsührü ki thiyukhüm jihkhi, api yakzanbo tüsho thiyukhümbo zopü nüsanü Atungpuh nüsa Thrünpuh, rhangdung amuyung wüntrebah, tüsho nüsa kutsüp ashang labah.

1 PETER 2:17

Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

AMIKHEAKAKHIUKKHI 19:5

Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.”

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.