T H S AN GYU T H S AN GR ARÜ 12:11 - AMÜSÜH HÜM CL Bible (BSI)

¹¹ Lümlung larünü athakhibo ju tsomüzhean nangde, müchityu hanmukhungkhi ju namfimihnu neakrünü ashuhkhi, ayümramkhi yinchi thsu nangde lah.

T H S AN GYU T H S AN GR ARÜ 12:11 Iomraidhean Croise

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

EZRA 9:8

Tüshe kheakü adükeak anikhüh kheak, Atungpuh isa Thrünpuhnü isa kheak mihmüthsüm huhdo tüsho isa chamkhüh azhorü kuhi chingnü tsokhitshihbah küma ha amüsüh dangpung ching lashih. Nünü isa azhorü kuhi chingnü zuzu kamshih tüsho isa kilim ayinatrüm rhangdung aso jih.

MUNGSHIKHÜN 23:1

Atungpuh ju I neakbuh ah; I yihnüpü kimkethürü lah.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MÜCHITMUDU 1:6

müchitmudu tüsho shihdanglimyubo, lümlung thakhibo tüsho lümlung müchitbo anikhitpü thsungkheak.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 22:17

Nü nükhün muphoang tüsho lümlung larü yubo aniang, tüsho I mükheahmudu lim nü mulong jihang;

T H S AN GYU T H S AN GR ARÜ 10:12

Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

T H S AN GYU T H S AN GR ARÜ 7:5

Makharü khün anipü kheaknü a lümlung larünü athürühkhi anipü atsübe.

ISAIA 22:23

Inü api adüküng dangpung ching müzam nangde müsüma zobah, tüsho api jipürü yamkhün ching api wüntre lakhi kiulongthsü-binkiu khülang kambah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

JEREMIA 23:29

Atungpuhnü thachoh, I yu mo nangde yung de, tüsho lungto adütre kamde kingnakbe yümlung nangde yung de?

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

JOHAN 10:14

I namfimihnu neakrü atsü; inü I yo namfimihnubo mükheahlah, tüsho arünü I mükheahlah.

JOHAN 3:10

Jisunü api ki alo, “Nü Israelrü thsangyurü thsübah harü mümükheah de?

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.