T H S AN GYU T H S AN GR ARÜ 11:9 - AMÜSÜH HÜM CL Bible (BSI)

⁹ Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

T H S AN GYU T H S AN GR ARÜ 11:9 Iomraidhean Croise

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

1 KIULONG THSÜRÜ 18:27

Animuro Elijanü arü ki keangrümünede tha, “Achangnü zhiang! Tsükjide api thrünpuh khülang ah; api lümkhi hihlah, yungsho api zuknuklah, yungsho api hantsah yüa lah, yungsho khükia api yapshea lah tüsho ayihmusubeah.”

1 KIULONG THSÜRÜ 22:15

Küyimki api kiulongthsüpuh ki arükhea, kiulongthsüpuhnü api ki tha, “Mikaia, isa keochihpü Ramothgilead ching yüba shi, dashi isa müyüba?” Apinü alo, “Wutuang tüsho kukang; Atungpuhnü ju kiulongthsüpuh khah ching jihbah.”

JOB HU H T ANYU 31:7

I jingdükü limro chingnü anguh-a lasho, tüsho I mulongnü I mük yana lasho, tüsho I khahbo müneana lasho;

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

T H S AN GYU T H S AN GR ARÜ 2:10

I müknü akünkhibo chingnü inü mutuklo; shih asühkhi tümü chingnü she inü I mulong muwuhlo, tümüde inü arhimokhi alala ching I mulongnü asühkhi ngü, tüsho ha I rhimo thsungkheaknü I thsambah lakheah.

T H S AN GYU T H S AN GR ARÜ 3:12

Arü lachoki thürün arü asühpü tüsho asühachihpü kheak hode tümü atsüdak müla de inü mükheahlah;

T H S AN GYU T H S AN GR ARÜ 3:17

Inü lüm, Thrünpuh nü thiyuro tüsho mihbukmuyuk mahkhapbah, tümüde yihnüpü lüpdükhi tüsho rhimo lüpdükhi thsungkheak apinü kim khülang akhukhita lah.

T H S AN GYU T H S AN GR ARÜ 6:9

Künde alümkhi kheaknü a müknü angükhi atsübe ah; ha she akeangkeang tüsho apung dunglim müshamkhi lah.

T H S AN GYU T H S AN GR ARÜ 7:14

Tsüde alakhi nimung asühang, tüsho küpkhuk arükhi nimung lümakheahang; Thrünpuhnü khülang she tüsho püpü she thründo, junangde mihtsürübonü arü dunglim tümü arübanü müyimkhit.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

TÜZHOKHI 3:27

Khürünü athunuchoki arümkheamkhi ju tsülah,

WÜHKHE 15:30

Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

WÜHKHE 15:39

Tüsho nüsa kheak hingmüngam müchekhi ju alabah, tüsho ju kheak kheahbahle Atungpuh yukhümbo lümkhitbah, tüsho jurübo rhimobah, tüsho jude athsükhinü nüsa mulong tüsho nüsa müknü abekhi lim müzammüramde nüsanü müyü,

WÜHKHE 22:32

Tüsho Atungpuh yunirünü api ki tha, “ Tümüde nünü nü yo donki kheak mahsam ki rhapkhea? kheahang, nü azhihde azhippü I akhiukdo, tümütüsho I miki nü limro khudolah.

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 12:19

Tüsho inü I me ki thabah, “Me, nünü kam ahihdo thsungkheak kukruk hihde zolah; nü zuzu thsang; tsühang, yungang tüsho asühang.” ‘

YUNIRÜBO RHIMO 14:16

Ahokhi lünbo ching apinü trükshih alala arü limrobo ching tsahpü mülüjih;

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

ROMRÜ KILIM PAULNÜ ATHRÜTKHI KIHÜM HUHTANYU 14:10

Tümüde nünü nü keoniorü thiyukhapcho le? Yungsho tümüde nünü nü keoniorü khenocho le? Tümütüsho isa alala Thrünpuh thiyukhappung miki zhipbah;

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

YUZÜNGTHALO 29:19

tüsho küyimki hadürü mihtsürünü ha muthrumüneankhi sobanü, apinü nihbuh mulong ching müngühmühide athabah, ‘Inü I mulongnü alümkhi ching tsah-a lalashe I mungtsü labah.’ Hanü nüsa atsü tüsho amütsü chido thsümünimbah.

IBRI 9:27

Tüsho mihtsürübo khülangki shebah jushu thiyukhap arüpü lakhi nangde,

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.