T H S AN GYU T H S AN GR ARÜ 11:10 - AMÜSÜH HÜM CL Bible (BSI)

¹⁰ Jumonü, nü mulong chingnü mulong rozhak bahang, tüsho nü pang chingnü thsünü tsoshang; tümüde azürü tüsho athunu rhangdung akeangkeang.

T H S AN GYU T H S AN GR ARÜ 11:10 Iomraidhean Croise

JOB HU H T ANYU 11:12

Tüshe küyimki mütüm donkibonü mihtsürü atrebanü, makharü mihtsürünü anikhitbah.

JOB HU H T ANYU 13:26

Tümüde nünü I azhihde akhühbe thrütchoh, tüsho I athunuchoki amülim thsükhibo yimlushihchoh.

JOB HU H T ANYU 20:11

Api robo athunu sühmühnü amikhi asungthulung ching yapbah.

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

MUNGSHIKHÜN 39:5

Nünü I nimungbo müyilokhüh lang thsüjih; I kambo kip nü miki tümü müla. Mihtsürü aban rhangdung ju sheak khülang ah.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MÜCHITMUDU 22:15

Makhakhi ju azürü mulong ching rhükkih-a lah, tüshe adanyukbe tsonü api kheaknü limshude tsoshihchoh.

T H S AN GYU T H S AN GR ARÜ 1:14

Ha lomiküp ching rhimobo alala inü ngüdo; tüsho kheahang, alala akeangkeang ah, tüsho apung dunglim müshamchoh.

T H S AN GYU T H S AN GR ARÜ 1:2

Akeangkeang, akeangkeang, Thsangyuthsangrarünü tha, akeangkeang, akeangkeang! Alala akeangkeang.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.