T H S AN GYU T H S AN GR ARÜ 10:19 - AMÜSÜH HÜM CL Bible (BSI)

¹⁹ Aniojikhibo ju keangrümüne thsungkheak ah; yukhunü rhangdung asühshihchoh, tüsho nü yihnüpü lüpdükhi ngüchoh.

T H S AN GYU T H S AN GR ARÜ 10:19 Iomraidhean Croise

THRÜNTAN 43:34

Judüki Josep dükhüm kheaknü arü kilim ahiuhakhip, tüshe Benjamin kilim a arü kheaknü alü phüngü ki ahiuh. Junangde arünü api lung asühde tsühyung.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

1 KIUTHSÜYUKHEAN 21:24

Tüshe kiulongthsüpuh Davidnü Arauna ki tha, “Yung, inü jurübo adün khiukde jihbah athulobah. I ki amo mulude Atungpuh thsungkheak nü yo, yungsho taka kingaünbe mulu.”

EZRA 1:6

Arü phünirü alalanü kukruk harü jihde rung: Shoto phühlung, shotolung, tsühyungbebo, püpü shoto kukruk tüsho ju lung arung kingaün hanmukhungkhi she jih.

NEHEMIA 5:8

Tüsho arü ki tha, “Isanü akukthülün keoniorü Jihudarü khiungkerü ki yinkhi rhokhitlodo, nüsa dokhühnü she nihbe keoniorü yinba de? Yungsho arü ju isa ki yinba de?” Limberübo ju jikshe müthsüdebah tüsho athapü tümü müyimkhit.

ESTER 1:10

Thünio athüne nipü kiulongthsüpuh ju yukhu yungde asühkhi hode ayamlarü dukhabo harü thüne jiyuk: Mehuman, Biztha, Harbona, Bigtha, Abagtha, Zethar, tüsho Karkas.

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

T H S AN GYU T H S AN GR ARÜ 2:3

Yukhunü I pang asühshihpü thsüde tüsho küde thsah makhakhi kheak ramloba, thüning bukkhüp mihtsürübonü arü rhangdung lakhi nimung anükhüh kim ching tümü atsü rhimobeanü inü müyimkhityi khiungde inü I lümlung bede I lümkhi yimdo.

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 24:11

Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

MATHI 17:27

Tütüshe arü mulong yuribah mütsüle, keto ching yübah keang jipyukang, tüsho akhuh akhiukkhi thüngüh luang. Küyimki amün khimshuhbanü nünü yinchi-sho 1 ngübah; ju luang tüsho ike dün arü kilim jihang.”

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 12:19

Tüsho inü I me ki thabah, “Me, nünü kam ahihdo thsungkheak kukruk hihde zolah; nü zuzu thsang; tsühang, yungang tüsho asühang.” ‘

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

LUKNÜ ATHRÜTKHI THIYUSHEAK-ATSÜ HUHTANYU 8:3

tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

YUNIRÜBO RHIMO 2:45

tüsho arünü arü lakhitbo le kukrukbo yinbah khürü yihnüpü lakhi yande arü alala kilim chama jih.

1 PETER 4:3

Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo.

MAHKHAPRÜ 14:10

Jumonü abuhnü alibe kilim yüki. Tüsho Samsonnü ju ching thünio kip, tümüde athrününgtsüng mihtsürünü jude thsüde alakheah.

MAHKHAPRÜ 9:13

Tüshe kurungasoliunü arü ki tha, ‘ Thrünpuhbo tüsho mihtsürübo asühshihkhi I yukhu bahbah inü sangdungbo kurungkheak yakzan shuhpü yüba shi?’

1 SAMUEL 25:36

Abigailnü Nabal kilim arü; kiulongthsürü thünio nangde, api yam ching thüniode alakheah. Nabal mulong ching asühkhi lakheah, tümüde api müshanga lakheah; jumonü yapsu mukhiungyikia alibenü api ki tümü she mütha.