T H S AN GYU T H S AN GR ARÜ 10:12 - AMÜSÜH HÜM CL Bible (BSI)

¹² Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

T H S AN GYU T H S AN GR ARÜ 10:12 Iomraidhean Croise

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

JOB HU H T ANYU 16:5

I münnü nüsa düküngshihbah tüsho I münküpnü shukheamkhinü nüsa mulong rozhak sühakhimshihbah.

MUNGSHIKHÜN 140:9

I mükamdoa larü kubo ju, arü münküp amütsünü arü lüpdoshang;

MUNGSHIKHÜN 37:30

Thiyuro-lungkirü münnü lümlung asukchoh, tüsho api mulonü thiyuro thachoh.

MUNGSHIKHÜN 64:8

Arü mulo dünkheaknü apinü arü kheak athsümünim handarübah; arü ngürü alalanü arü kubo angambah.

MÜCHITMUDU 10:10

Shepünü müknü ajuhchonü küpkhuk akhiukshihchoh, tüshe shepünü mikinü thürühchonü mungtsü thsungkheak rhimochoh.

MÜCHITMUDU 10:8

Mulong rhangrünü thiyukhümbo leangkhichoh, tüshe makhayu thakhi athsümünim arüchoh.

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 15:2

Lümlung larü mulonü lungkide mükheahmudu ahorichoh, tüshe makharü münnü makhakhi thakhitchoh.

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 22:11

Shepünü mulong amüsüh muzhocho, tüsho nihbuh yu ching amüthsüm lanü kiulongthsüpuh ju api müyamrü labah.

MÜCHITMUDU 26:9

Amüshangrü khah ching ayang zhakyukkhi nangde müchitmudu ju makharü mün ching lah.

MÜCHITMUDU 31:26

Alibenü lümlung bede amün khimshuhchoh, tüsho anihbe mulo kheak thsangdankhi lah.

T H S AN GYU T H S AN GR ARÜ 12:11

Lümlung larünü athakhibo ju tsomüzhean nangde, müchityu hanmukhungkhi ju namfimihnu neakrünü ashuhkhi, ayümramkhi yinchi thsu nangde lah.

T H S AN GYU T H S AN GR ARÜ 4:5

Bünkeangbünrurünü arü khahbo napchoh tüsho arü nihbuh shih thsümünimchoh.

T H S AN GYU T H S AN GR ARÜ 5:2

Nü münnü düniokheam, yungsho nü mulongnü Thrünpuh miki thiyu thapü dünahnahshih, tümüde Thrünpuh yinmi ching lah, tüsho nü alomi kheak lah; jumonü nü yubo nükshang.

T H S AN GYU T H S AN GR ARÜ 5:6

Nü münnü nü aneak ching dübeshih, tüsho Thrünpuh yunithsürü miki ha lakmihdo de dütha; tümüde Thrünpuhnü nü kheak bukakhiukshihpü, tüsho nü khah rhimobo thsümünimshihpü?

T H S AN GYU T H S AN GR ARÜ 9:17

Keamramkhi lümlung larü yubo ju makharü yakzanshuhrünü azhikhi kheaknü alü anipü lah.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

LUKNÜ ATHRÜTKHI THIYUSHEAK-ATSÜ HUHTANYU 19:22

Tüsho apinü anihbuh ki tha, ‘Nü mihbukmuyuk yamlarü, nü yunü nü mahkhapbah.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.