T H S AN GYU T H S AN GR ARÜ 10:10 - AMÜSÜH HÜM CL Bible (BSI)

¹⁰ Awü ju duhduh lasho, tüsho müzüsho, sühmüh alü yihnüpü lah tüshe lümlungnü akuk ngüshihchoh.

T H S AN GYU T H S AN GR ARÜ 10:10 Iomraidhean Croise

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIUTHSÜYUKHEAN 12:32

Issakarrü Israelrünü tümü rhimobeanü kim anikhitrü atorübo 200, tüsho arü yukhüm ching larü arü buhtsührü alala.

T H S AN GYU T H S AN GR ARÜ 10:11

Wurük müthsüyide phurutonü nguhsho wurük thsüpü alü müla.

T H S AN GYU T H S AN GR ARÜ 10:15

Makharü rhimonü anihbuh khishihchoh, tümütüsho apinü kiuto limro she mümükheah.

T H S AN GYU T H S AN GR ARÜ 10:9

Sherünü lung kheanchonü junü arü yuribah; tüsho sherü sangthulung cherüpchonü junü arü yuribah.

T H S AN GYU T H S AN GR ARÜ 2:13

Judüki amiting kheaknü ayin atsübe lakhi ruk makhakhi kheaknü lümlung atsübe inü ngü.

T H S AN GYU T H S AN GR ARÜ 9:18

Lümlung ju thirithsü thsühnuk kheaknü atsübe, tüshe amütsü rhimorü khülangnü kukruk ahihdo thsümünimchoh.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.

KOLOSI 4:5

Nü kim tsüde ahoride, amükinrü ki lümlung lade rhimoang.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.