T H S AN GYU T H S AN GR ARÜ 1:9 - AMÜSÜH HÜM CL Bible (BSI)

⁹ Tümü dünjikheanü adünjilobah, tüsho tümü rhimodünü ju arhimolobah; alomiküp ching tümü she aso müla.

T H S AN GYU T H S AN GR ARÜ 1:9 Iomraidhean Croise

T H S AN GYU T H S AN GR ARÜ 1:10

Ha ruk thakhi tümükhüh aso la shi, “ Kheahang, ha aso ah”? Isa müngüh lünbo ching ha dünjiabahdo.

T H S AN GYU T H S AN GR ARÜ 2:12

Jumonü inü lümlung tüsho bünkeangbünru le makhakhi lümakheahpü rholo; tümüde kiulongthsüpuh müthrirü mihtsürünü tümü thsükhukpü? Apinü rhimoabahkhi lang ah.

T H S AN GYU T H S AN GR ARÜ 3:15

Küpü dünjicho yungsho adünjipü kuklanü püpüki dünjiabahdo, tüshe hoabahkhi Thrünpuhnü yimkhitkhukchoh.

T H S AN GYU T H S AN GR ARÜ 6:10

Tümüpürü dünjichonü adüsonü lümakheahdo, tüsho mihtsürü ju tümüanü mükheahlah tüsho mihtsürü khülangnü api kheaknü sühmüh labuh kheak matsangachihkhuk.

T H S AN GYU T H S AN GR ARÜ 7:10

Dütha, “Tümüde harü kheaknü ahobe nimungbo atsübe lakhea?” Tümüde nünü ha keokhi ju lümlung chingnü yung.

ISAIA 43:19

I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

AMIKHEAKAKHIUKKHI 21:1

Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah.

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”