DANIEL 9:7 - AMÜSÜH HÜM CL Bible (BSI)

⁷ Atungpuh , nü thiyuro-lungki ah, tüshe khihni khiungde Juda mihtsürü tüsho Jirusalem mihtsürü tüsho Israel alala, aphüni tüsho limshu, nünü isa hiumüzütkhi lomi alala ching isanü nü ki müthülünkhi hode isa miro müdünkhitde lah.

DANIEL 9:7 Iomraidhean Croise

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

EZRA 9:15

O Atungpuh Israel Thrünpuh, nü thiyuro, tümüde isa khürü khihni rhangdung lashihlah. Kheahang, isa nü miki isa neak ching lah, jumonü shenü she nü miki müzhipkhuk.”

NEHEMIA 9:33

Nünü isa alungki ching thsümüchido; neak yihbeakbeak she nünü isa muzhode müthsüm.

MUNGSHIKHÜN 119:137

Nü thiyuro-lungki ah, O Atungpuh , tüsho nü mahkhapkhibo alungki.

MUNGSHIKHÜN 44:15

Nimung amuyung makhamaleak I miki lah, tüsho achihkhinü I miro lüpdolah,

MUNGSHIKHÜN 51:14

O Thrünpuh, thiyih bukkhi mülimkhi chingnü I bekhitang, nü I akhümkhit Thrünpuh, tüsho inü asühde nü thiyuro-lungki zhiyukbah.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 45:16

Arü alala achih ngüshih tüsho yingyingshih, sangthsü thsürübo rukhühnü yingyinglah.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 32:32

Israel mihtsürü tüsho Juda mihtsürünü amütsü rhimode I bukakhiukshihkhi alala dünkheaknü– arü, arü kiulongthsürübo, arü torübo, arü amükeamrü tüsho wukihrübo, Juda mihkhungbo tüsho Jirusalem ching larübo.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

JEREMIA 4:17

Arübo thulu aheangrü nangde zündolah, tümütüsho anihbenü I azhihdo, Atungpuhnü thachoh.

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

EZEKIEL 5:10

Jumonü nüsa bolung ching buhrübonü arü tsührübo tsühbah tüsho tsührübonü arü bebuhrübo tsühbah. Inü nü kheak thsümüchi jihbah tüsho nüsa aninga larü alala apungbo ching müzütshihbah.

EZEKIEL 6:12

Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah.

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

DANIEL 9:8

O Atungpuh , isa le isa kiulongthsürübo, isa yakzanshuhrübo tüsho isa bebuhrünü isanü nü azhihde neak yihbeakkhi hode isa miro müdünkhit.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.