DANIEL 9:5 - AMÜSÜH HÜM CL Bible (BSI)

⁵ isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

DANIEL 9:5 Iomraidhean Croise

2 KIULONG THSÜRÜ 18:12

tümütüsho arünü Atungpuh arü Thrünpuh düsheak mani tüshe Atungpuh yamlarü Mosanü ajihkhi yukhüm alala–api tangzüngkhi thsümünim; arünü mani yungsho mürhimo.

2 KIULONG THSÜRÜ 21:15

tümütüsho arünü I miki amütsü rhimodo tüsho arü jipürü Ijip chingnü akhiukkhi nimungnü khihni khiungde I bukakhiukshih.”

EZRA 9:6

tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

MUNGSHIKHÜN 106:6

Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 119:102

Inü nü mahkhapkhibo chingnü müchamachih, tümüde nünü I thsangyukheah.

MUNGSHIKHÜN 119:176

I adükheakkhi namfimihnu nangde tsokhido; nü yamlarü yimang, tümüde inü nü yukhümbo mümih.

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

JEREMIA 14:20

O Atungpuh , isanü isa yo mihbukmuyuk, isa jipürü mülimkhibo thakhitchoh, tümüde isanü nü azhihde neak yihbeakdo.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

TÜZHOKHI 1:20

Kheahang, O Atungpuh , I küdükhüh lümthsünüla; I me thsünülah, I mulong rhothünakchoh, tümütüsho inü khide azhihde alakheah. Kiudunglimrobo ching nukshangnü laksahchoh; thüyam ching ashekhi lah.

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

MALAKI 3:7

Nüsa jipürü nimungbo chingnü nüsanü I yakzanbo chingnü anguh tüsho jurü muzo. I kilim rholoang, tüsho inü nüsa kilim rholobah, Wuto Atungpuhnü thachoh. Tüshe nüsanü thachoh, “ Küde thsah isanü arholopü?”

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.