DANIEL 9:25 - AMÜSÜH HÜM CL Bible (BSI)

²⁵ Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

DANIEL 9:25 Iomraidhean Croise

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

EZRA 4:24

Arüngyam rhimokhi tukloabahbah Persia kiulongthsüpuh Darius, kiulongthsü mahnepü kam khiungde zokheam.

EZRA 7:1

Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

EZRA 7:8

Arünü kiulongthsüpuh kam thünepü, khinu phüngü ching Jirusalem lim atu,

NEHEMIA 3:1

Kiuto chipi ju ha ruk thsülokheah. Achangbe Amükeambuh Eliashib tüsho amüyamrü amükeamrübonü Namfimihnu Chipiripit thsübah müsükhit tüsho ripitbo awopung ching wo. Chipi ju Chi Aheangsadam tüsho Hananel Aheangsadam khiungde thsülo.

NEHEMIA 4:2

Amüyamrü tüsho Samariarü bonungrü mikinü apinü tha, “Harü süküp mülarü Jihudarübo tümü thsücho? Arünü kiuto thsülokhukba de? Arünü rhangdung shuhmülanga jihba de? Arünü nimungkhühnü rhimo banba de? Atakkheamkhi lungbonü arünü thüyam thsülokhukba shi?”

NEHEMIA 4:8

Jumonü arünü mulomülapde Jirusalem yanpü arü tüsho ju ching neamneamjih,

NEHEMIA 6:15

Nimung thünimkheak mahne ni rhimoshu Elul khinu nimung mukukheak phüngü nipü ban.

MUNGSHIKHÜN 71:10

Tümüde I riribonü I azhihde asukchoh; tüsho I rhangdung lupü jimde abinrü rukhühnü rük thsüchoh,

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

DANIEL 8:11

Yinmi bonungrü yakzanshuhbuh she azhihde bukakhiukde rhimo; api kheaknü mutukzhakde taka kingaünkhi lude tso tüsho api arüngyam lahyuka bahjih.

DANIEL 8:25

Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

DANIEL 9:23

Nü tamkhüntamnü tankihchoki, nü ki alojih, ju nü ki thapü I arüchoh tümüde nü khide muzhodakkhi lah. Jumonü thiyusheak lümakheahang tüsho michih anikhitang.

MIKA 5:1

Jirusalem mihtsürü, nüsa thirithsürübo bemukhungang! Isa yandoa lah! Arünü Israel limberü müchip kheak tsonü rhapchoh.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 13:23

Tüshe alo atsü kheak hiukhi ju shepünü thiyu sobah ju anikhitchonü api ah; apinü hidung akhiukshihbah khürünü chi, khürünü rukrü yungsho khürünü samrü bande asochoh.”

MATHI 24:15

“Jumonü küyimki nüsanü, Daniel wukihrü hode athakhi athsümünimshihbe athraneanbe amüsüh dangpung ching zhipde angübanü–akherünü anikhitshang–

MARK 13:14

“Tüshe küyimki nüsanü ‘adükheakshihpü athraneanbe’ Daniel wukihrünü athakhi amüzhippung ching zhipde angübanü–akherünü anikhitang–judüki sherü Judea ching lanü müzüngbo ching tsoang.

JOHAN 1:41

Apinü akhuhde akhiung Simon ngübah api ki tha, “Isanü Messia ngüdo” (amütsan Khrista).

JOHAN 4:25

Alibenü api ki tha, “Khrista de ajikhi Messia arüchoh. Küyimki api arübanü isa ki lüpdükhi thanaka huhbah.”

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 8:30

Jumonü Philipnü api kilim alihde yü tüsho Isaia wukihbuh hüm chingnü khede sobah keokhi, “Nünü tümü khechonü anikhitnah?”

EFISIA 5:16

kim alala tsüde ahoriang, tümütüsho nimungbo amütsü lah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.