DANIEL 9:21 - AMÜSÜH HÜM CL Bible (BSI)

²¹ I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

DANIEL 9:21 Iomraidhean Croise

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

MUNGSHIKHÜN 103:20

Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

MUNGSHIKHÜN 104:4

Nünü apungbo nü yunithsürübo, tüsho chinchobe phürapkhi nü yamlarübo thsü.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

ABEKHIT 29:39

Khülang yapsu jihang tüsho püpü ju shuhyini ching jihang.

ISAIA 6:2

Api kumung seraphbo lakheah; arü abande ghidükeang thuruk kih-a lakheah: mahnenü arü miro lüpdo tüsho mahnenü arü jing lüpdo, tüsho mahnenü phinde alakheah.

EZEKIEL 1:11

Ha ruk arü mirobo lakheah. Arü ghidükeangbo mutuhlim chutreaka lakheah; arü abande ghidükeang mahne, khülangnü püpü shiwühbo ghidükeang thrip aban qiu, tüsho ghidükeang mahnenü pangbo lüpdo.

EZEKIEL 1:14

Shiwühbonü chinchobe phürapkhibo nangde dunglim tüsho müngüh yungdüyü yunglodarü de thsü.

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

DANIEL 10:10

Tüshe khah khülangnü I qiu tüsho I khah le mukhukbo ajande wusushih.

DANIEL 10:16

Judüki mihtsürü kiphahkhi khülangnü I münküp kheak qiu, tüsho inü thiyu asukpü I mün khimshuhbah I miki zhipbuh ki tha, “ I tungpuh, michih hode hadürü thsünü I kheak arükhinü I sühmüh mülade lah.

DANIEL 10:18

Kheaküshe mihtsürü kiphahkhi khülangnü I qiu tüsho I reangzahde kamshih.

DANIEL 8:16

tüsho Ulai ayung ki mihtsürü khülang düsheak jikhi inü so, “Gabriel, ha buh mihtsürü ki michih ha anikhitshang.”

DANIEL 8:18

Apinü I ki asukde lachoki, I miro alo lim abinbah yapshea lakheah; jushu apinü I qiu tüsho I langde zhipshih.

MATHI 27:46

Tüsho 3 king ngüm Jisunü düsheak achangnü zhide tha, “Eloi, Eloi, lama sabakthani?” ju amütsan, “I Thrünpuh, I Thrünpuh, tümüde nünü I bahyukkhea?”

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 1:26

Kheakü khinu thurukpü ching Galilee yo kiuto khülang Nazareth de ajikhi lim Thrünpuhnü Gabriel arüshih,

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 10:9

Ashidopü hantsahde kiuto phünide arübah, Peternü animuro ngüm thüyam mün kheak tamkhüntamnüpü yükih.

YUNIRÜBO RHIMO 12:7

tüsho kheahang, Atungpuh yunirü khülang akhiuk, tüsho akhiungshak ching ayin tahyuk; tüsho apinü Peter ju adubuh kheaknü niukmusude tha, “Nahde asürang.” Tüsho wuhrünliubo akhahbo chingnü ayoabah.

YUNIRÜBO RHIMO 3:1

Nimung khülang Peter le Johan ane anirelim 3 king ching tamkhüntamnü kim ching arüngyam lim wutude alakheah.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 1:7

Yunirübo dünkheak apinü tha, “Shepünü api yunirübo apungbo, tüsho api yamlarübo motrubo thsücho.”

AMIKHEAKAKHIUKKHI 9:17

Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih.