DANIEL 9:20 - AMÜSÜH HÜM CL Bible (BSI)

²⁰ Inü I Thrünpuh amüsüh wung thsungkheak Atungpuh I Thrünpuh ki I neak tüsho I mihtsürü Israel neak alokhide asuk tüsho tamkhüntamnü thsü.

DANIEL 9:20 Iomraidhean Croise

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 65:24

Arünü müjiyide inü alobah, arü asukachihde lachoki inü asobah.

DANIEL 10:12

Apinü I ki tha, “Dütre Daniel, tümüde nünü alü anikhitpü tüsho nü Thrünpuh miki azhihayihpü nü lümkhi jihkhi akhuhbe nimung chingnü, nü yubo sodo, tüsho nü yubo hode I arükheah.

DANIEL 10:2

Judüki kim ching, I Daniel amu-khip mahsam tüzhode alakheah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

ROMRÜ KILIM PAULNÜ ATHRÜTKHI KIHÜM HUHTANYU 3:23

tümütüsho alalanü neak yihbeakdo tüsho Thrünpuh müretahpü thamaa lah,

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

AMIKHEAKAKHIUKKHI 21:10

Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh,

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;