DANIEL 9:18 - AMÜSÜH HÜM CL Bible (BSI)

¹⁸ O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

DANIEL 9:18 Iomraidhean Croise

1 KIULONG THSÜRÜ 8:29

junangde are tüsho animung, ‘ Ju ching I mung labah,’ de nünü athakhi dangpung ha yam lim nü müknü akheahbah, junangde nü yamlarünü ha yam lim tamkhüntamnüchoki nünü anibah.

2 KIULONG THSÜRÜ 19:16

O Atungpuh , nü nükhün muphoang, tüsho soang; O Atungpuh , nü mükbo khimshuhang, tüsho kheahang; arhang Thrünpuh keangrüpü arüshihkhi Sennakerib yubo soang.

MUNGSHIKHÜN 116:1

Inü Atungpuh muzholah, tümütüsho apinü I düsheak tüsho inü amushukhibo sojihdo.

MUNGSHIKHÜN 25:6

O Atungpuh , nü amüthsüm tüsho nü muzhodakkhi lümkhitang, tümüde jurübo adüsonü lah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 64:12

Ha alala dunglim, nü tukloba de, O Atungpuh ? Nü zhikde alaba de, tüsho isa khitode thsümüchiba de?

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 37:20

Kheakü muzhobah I ki aniang, I tungpuh kiulongthsüpuh: Inü amushukhi tsüde anijang, tüsho ju ching shepü thsüde athrütbuh Jonathan yam ching I alode düyüshih.”

EZEKIEL 36:22

Jumonü Israel yamkhün ki thaang, Atungpuh Thrünpuhnü ha thachoh: Ha nü thsülimnü inü arhimopü thsüchoh yung, O Israel yamkhün, tüshe nü arüpung trükshih bolung nünü müneanjihkhi I mung amüsüh thsülimnü ah.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

DANIEL 9:7

Atungpuh , nü thiyuro-lungki ah, tüshe khihni khiungde Juda mihtsürü tüsho Jirusalem mihtsürü tüsho Israel alala, aphüni tüsho limshu, nünü isa hiumüzütkhi lomi alala ching isanü nü ki müthülünkhi hode isa miro müdünkhitde lah.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim: