DANIEL 9:16 - AMÜSÜH HÜM CL Bible (BSI)

¹⁶ O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

DANIEL 9:16 Iomraidhean Croise

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 143:1

I tamkhüntamnü sojang, O Atungpuh , inü amushukhibo anijang! nü thiyuro lakhi tüsho nü thiyuro-lungki ching I ki alojang.

MUNGSHIKHÜN 31:1

O Atungpuh , I nü kheak tsoyukdo; I küyimkishe achih düngüshih; nü thiyuro-lungki ching I bekhitang.

MUNGSHIKHÜN 41:13

Israel Thrünpuh Atungpuh shiang! kheakü tüsho lünnü api shiang! Amen! Amen!

MUNGSHIKHÜN 71:2

Nü thiyuro-lungki ching I bekhitang, tüsho I tsokhitshang; I kilim nü nükhün muphoang tüsho I khümkhitang.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MUNGSHIKHÜN 85:4

Isa laloshang, O isa akhümkhit Thrünpuh, tüsho isa kilim nü bukakhiukkhi kheamshang.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 32:31

Ha kiutonü athsükhi nimungnü khihni khiungde I bukakhiukshihdo tüsho mulong zhipzhipshihdo, junangde ha I mikinü lahkhita bahbah,

JEREMIA 32:32

Israel mihtsürü tüsho Juda mihtsürünü amütsü rhimode I bukakhiukshihkhi alala dünkheaknü– arü, arü kiulongthsürübo, arü torübo, arü amükeamrü tüsho wukihrübo, Juda mihkhungbo tüsho Jirusalem ching larübo.

EZEKIEL 22:4

Nünü thiyih bukkhinü nü amülim kamdo tüsho nünü athsükhi sangthsünü nü müneando. Nünü nü nimungbo phünide handarüdo, tüsho nü kambo akheam arüdo. Jumonü inü nü trükshihbo ki mükhemükim tüsho lomi alala ki münedung kamshihbah.

EZEKIEL 5:14

Inü nü thsümünimbah tüsho nü mühide trükshih bolung, atsahhorü alala miki münedung kamshihbah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 9:20

Inü I Thrünpuh amüsüh wung thsungkheak Atungpuh I Thrünpuh ki I neak tüsho I mihtsürü Israel neak alokhide asuk tüsho tamkhüntamnü thsü.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 SAMUEL 2:7

Atungpuhnü zhochihrü kamshihchoh tüsho alarü kamshihchoh; apinü thokhichoh tüsho apinü shuhkihchoh.