DANIEL 9:15 - AMÜSÜH HÜM CL Bible (BSI)

¹⁵ Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

DANIEL 9:15 Iomraidhean Croise

1 KIULONG THSÜRÜ 8:51

(tümüde arübo ju Ijip ching, yinchi niuthünakbe dang chingnü nünü abekhitkhi nü mihtsürü tüsho yamrüplurüp ah.)

2 KIULONG THSÜRÜ 21:15

tümütüsho arünü I miki amütsü rhimodo tüsho arü jipürü Ijip chingnü akhiukkhi nimungnü khihni khiungde I bukakhiukshih.”

2 KIUTHSÜYUKHEAN 6:37

judüki arü ramde ayükhi lomi ching arü lümrhangsho, tüsho mulong müthrisho, tüsho arü ramde ayükhi lomi ching nü ki, ‘Isanü neak yihbeakdo, tüsho amülim rhimodo; isanü mütsüde rhimodo’ de mushude thasho;

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:16

Ha nü khah kheak amütsan khülang tüsho nü kingkang kheak amümihbe khülang labah, tümüde Atungpuh khah adüküngnü isa Ijip chingnü bekhit.”

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 14:18

Küyimki inü Pharao, api khora-lolungbebo, tüsho api khoraberü kurungkheak müretah ngübanü Ijiprünü I Atungpuh de amükheahbah.”

ABEKHIT 32:11

Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ISAIA 55:13

Ayang müthri saipress sang asürübah; khingphu müthri martel sang asürübah; tüsho ha Atungpuh kilim mümihkhi khülang labah, tümüde akheam mülakhi amütsan khülang müdükheakshih.

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

JEREMIA 14:20

O Atungpuh , isanü isa yo mihbukmuyuk, isa jipürü mülimkhibo thakhitchoh, tümüde isanü nü azhihde neak yihbeakdo.

JEREMIA 32:10

Inü münrünhüm mütsan dokihbah yihdo, thiyumütsan lu, tüsho wuhzhin kheak sho adün.

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.