DANIEL 9:13 - AMÜSÜH HÜM CL Bible (BSI)

¹³ Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

DANIEL 9:13 Iomraidhean Croise

2 KIULONG THSÜRÜ 22:16

Atungpuhnü ha thachoh, Juda kiulongthsüpuhnü akhekhi hüm yubo yande, atsütsü ha dangpung tüsho mihtsürübo kheak inü thsümütsü handarübah.

JOB HU H T ANYU 36:13

Thrünpuh mümükheahrünü mulong ching bukakhiukkhi zomukhungchoh; apinü arü rhükchoki arünü arung thsungkheak müzhi.

MUNGSHIKHÜN 119:18

I mükbo khimshuhjang, junangde nü yakzan ching amüyinsahbebo inü angübah.

MUNGSHIKHÜN 119:27

Nü yakzanbo anikhitpü I rungang, tüsho nü amüyinsahbe rhimobo kheak inü alümbah.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 85:4

Isa laloshang, O isa akhümkhit Thrünpuh, tüsho isa kilim nü bukakhiukkhi kheamshang.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 42:9

Kheahang, adüso müchitkhibo dünjido tüsho inü aso khipkhitchoh; arübo mumukhuhkhityi khiungde inü arü dünkheak nüsa ki thachoh.

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 31:18

Atsütsü Ephraimnü mushukhi inü sodo: “ Nünü I danyuk, tüsho inü adanyukkhi lu; I a müthsangmuyukhi moshi nunu khülang ruk lakheah. I belodarang, I alode arüshang, tümüde nü a Atungpuh I Thrünpuh.

JEREMIA 44:23

Ha tümütüsho nüsanü kingaünbo tak, tüsho nüsanü A TU N GPU H azhihde neak yihbeak tüsho Atungpuh düsheak mani yungsho api yakzan tüsho thiyuzüngbo ching mütsah, hanü khihni amütsan lakhi nangde ha thsümütsü nüsa kheak arükheah.”

JEREMIA 44:27

Inü arü kurungkheak athsümünimpü kheahbah tüsho atsü thsungkheak yung; Ijip ching lakhi Juda mihtsürü alala nukshang tüsho khümzungnü, khülang she maningyi khiungde dükheakshihbah.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

EZEKIEL 16:43

Tümütüsho nü athunu nimungbo nünü mülümkhit tüshe harübo hode I mulong zhipzhipshih, tsükjide nünü arhimokhi inü nü ku kheak handarübah, Wuto Atungpuhnü thachoh. Nünü athraneanbe rhimokhibo püpü alala lung yukrude yüliyüra müthsü de?

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

HOSEA 7:10

Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

HOSEA 7:7

Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.

LUKNÜ ATHRÜTKHI THIYUSHEAK-ATSÜ HUHTANYU 24:45

Tüsho arünü amüsühyubo anikhitpü thsüde apinü arü lümkhi khimshuhjih.

JOHAN 10:35

Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JOHAN 8:32

Nüsanü thiyuro mükheahbah, tüsho thiyuronü nüsa zuzu kamshihbah.”

EFISIA 4:21

dükdüpüa nüsanü api dünkheak sodo tüsho Jisu kheak lakhi thiyuro nüsa ki thsangyudo.

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.