DANIEL 8:7 - AMÜSÜH HÜM CL Bible (BSI)

⁷ Api ju namfimihnupung kilim yüde inü ngü. Abukakhiukde namfimihnupung juh mahne khushakjih. Namfimihnupungnü ju nanlopü wu müla; namfimihnupung ju alo kheak nimmülün tüsho ju kheak jung, tüsho api wu chingnü namfimihnupung khümkhitpü she mülakheah.

DANIEL 8:7 Iomraidhean Croise

DANIEL 11:11

Judüki düjinglim kiulongthsüpuhnü bukakhiukde akhiukbah tüsho dukulim kiulongthsüpuh ki keochihbah, tüsho apinü boto ato bemukhungbah, tüshe ju api khah ching jihbah.

DANIEL 7:12

Aningkhi shiwühbo thsungkheak a arü wu lude tsoa lakheah, tüshe arü rhangdungbo akheahmünchi khülang thsungkheak lashih.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

DANIEL 8:10

Hoju yinmi bonungrü lokhüh zokih. Junü bonungrü khürü tüsho chiningbo alomi ching jipkhi, tüsho arü kheak jung.

DANIEL 8:6

Api ju ayung ki zhipkhi inü ngüde alakhi ajuh mahne kihkhi namfimihnupung kilim arü, tüsho alihde yübah abukakhiukde khang.

DANIEL 8:8

Jushu mihnu pung ju khide tode kam; tüshe api wu changkhi ching, ajuh atobe zhakabah, tüsho ju müthri ajuh phüyi akhiukbah thrip phüyi ching abina lakheah.

LEVI 26:37

Nüsabo shenü müyande, nukshang müngüh tsokhi ruk khülangnü khülang kheak mürhemülüna mülade akambah.

JIHUSUA 8:20

Küyimki Airübonü rholoa kheahkhea, arünü thüning ching mokhüh liude ayükihkhi ngü. Arü müngühlim shande sunglo lim tsorü Israelrübonü treaklode arükhi hode arübo atsokhitpü limro müladebah.