DANIEL 8:3 - AMÜSÜH HÜM CL Bible (BSI)

³ Inü abinkih-a kheah tüsho namfimihnupung khülang ayung yean zhipkhi ngü. Ju ajuh mahne kihde alakheah. Ajuh ane chido ashang lakheah, tüshe khülang ju püpü kheaknü ashangbe lakheah, tüsho ashangbe ju ashude akhiuk.

DANIEL 8:3 Iomraidhean Croise

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 4:5

tüsho arü lümkhi mukhiungshihpü arü azhihde Persia kiulongthsüpuh Sairus tüsho Darius yakzan shuhkhi kim amuyungnü atorübo buknimde rhimo.

ESTER 1:3

api kiulongthsü kam asampü kheak thünio ching abukkhüp atorübo, yamlarübo tüsho Persia le Midia bonungrü torübo, kovünorbo tüsho amükheahrü kiulongthsübo chingnü jiyuk,

ISAIA 13:17

Kheahang, inü arü azhihde, shotoyinchi mulunerü tüsho suna kheak masührü Midiarü rhumusuchoh.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

DANIEL 10:5

inü mürünga kheah, tüsho kheahang, mihtsürü khülang khimthünak phuyubah, achim ju suna atsüdaknü rüma lakheah.

DANIEL 2:39

Nü dunglim, nü kheaknü aninibe püpü kiulongthsü asürübah. Ju khin, müwayinchi nangde alakhi kiulongthsü asampünü lomi athrünkhi kurungkheak yakzan shuhbah.

DANIEL 5:31

Tüsho Midiarü Darius, kam 62 azorünü kiulongthsü leangkhia lu.

DANIEL 6:28

Jumonü hanü Persiarü Darius kiulongthsü tüsho Sairus kiulongthsü kim ching Daniel lalim tsüde kam.

DANIEL 7:5

Püpü mahnepü shiwüh akhiuk, ju akheahpü kuto nangde alakheah. Ju thripkhühnü zhip, tüsho amün ching ahü bolung arheangro mahsam lakheah tüsho tha, “Asürang, shih ahihdo tsühang!”

DANIEL 8:2

Michih ching inü kheahde alakheah tüsho I ju Susa kiuying, Elam lomi ching lade ngü, tüsho I Ulai ayung ki lakheah.

DANIEL 8:20

Nünü angükhi ajuh mahne kihkhi namfimihnupung thsungkheak ju, harü ha Midia tüsho Persia kiulongthsürübo ah.

ZEKARIA 1:18

Judüki inü abinkih-a kheah tüsho juh phüyi ngü.

ZEKARIA 2:1

Inü abinkih-a kheah tüsho mihtsürü khülang akhah ching akebe-liu shuhbah ngü.

ZEKARIA 5:1

Kheaküshe inü abinkih-a kheah tüsho küpqiu khülang phinkhi ngü.

ZEKARIA 5:5

Judüki I ki asukachihbuh yunirünü mikhuh ching arü tüsho I ki tha, “Abinkih-a kheahang tüsho ju tü akhiukchonü kheahang.”

ZEKARIA 5:9

Judüki inü abinkih-a kheah tüsho aliberü mahne mikhuh ching arükhi ngü. Ane wulakhi ghidükeangbo lakheah; ane ghidükeangbo ju kewuhnu ghidükeang nangde alakheah, tüsho anenü muluk ju alomi le thüning dükeak shuhkih.

ZEKARIA 6:1

Tüsho kheaküshe inü abinkih-a kheah tüsho müwayinchi-müzüng mahne chingnü khora-lolungbe jing akhiukde ngü.

WÜHKHE 24:2

Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü,

JIHUSUA 5:13

Küyimki Jihusua Jirikho thüninde alakhea, apinü mihtsürü khülang nuk shuhbah, api müngüh zhipde ngü, Jihusuanü api miki yübah keokhi, “Nü isa bonungrü khülang khüh a shi, dashi thiriri a le?”

AMIKHEAKAKHIUKKHI 13:11

Judüki alomi chingnü akhiukkhi shiwüh püpü inü ngü; namfimihnunu nangde ajuh mahne kih tüsho dragon nangde asuk.

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;