DANIEL 8:25 - AMÜSÜH HÜM CL Bible (BSI)

²⁵ Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

DANIEL 8:25 Iomraidhean Croise

JOB HU H T ANYU 34:20

Kim khülang ching arü shechoh; tsüngphulung ching mihtsürübo niukchoh tüsho dükheakchoh, mihtsürü khah mübede sühmüh larübo lude tsochoh.

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

TÜZHOKHI 4:6

Tümüde arungrü khah mülade sühkhüh kheaknü akeamkhi I mihtsürübo thsümüchi ju Sodom kheaknü atobe ah.

DANIEL 11:12

Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 7:26

Jushu mahkhapkhi labah, tüsho api wu hande atsobah, shahde athsümünimbah.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

DANIEL 8:11

Yinmi bonungrü yakzanshuhbuh she azhihde bukakhiukde rhimo; api kheaknü mutukzhakde taka kingaünkhi lude tso tüsho api arüngyam lahyuka bahjih.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

2 TESALONIKA 2:3

Shenü she nüsa tümü ching she dümülapyukshih, tümüde azhihkhi makhiukyikia tüsho athsümünimpü akhua lakhi aneak mihtsürü makhiukyikia ju nimung marü.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.