DANIEL 8:17 - AMÜSÜH HÜM CL Bible (BSI)

¹⁷ Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

DANIEL 8:17 Iomraidhean Croise

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

EZEKIEL 1:28

Tsüng arükhi nimung amo ching mürechin nangde, ju mükamde ayin-zhingzhing lakheah. Ha Atungpuh müretah akhiukkhi lakheah. Küyimki inü angükhea, inü I miro koyu tüsho khülangnü asukkhi düsheak inü so.

EZEKIEL 2:1

Apinü I ki tha, “Mihtsürü tsührü, zhipang tüsho inü nü ki asukanü.”

EZEKIEL 44:4

Jushu apinü I dukulim chipiripit limronü arüngyam mikhuh bedarü; tüsho inü kheah, tüsho kheahang! Atungpuh müretahkhinü Atungpuh arüngyam mia lakheah; tüsho inü I miro mükhüm.

EZEKIEL 6:2

Mihtsürü tsührü, nü miro Israel müzüngbo lim anguhang; arü azhihde müchitang,

DANIEL 10:11

Apinü I ki tha, “Daniel, tode muzhodakkhi, inü nü ki asukpü lakhi ju aniang. Zhipang, tümüde I nü kilim arüshihkheah.” Jumonü apinü ha yu I ki asukde lachoki inü ajande zhip.

DANIEL 10:16

Judüki mihtsürü kiphahkhi khülangnü I münküp kheak qiu, tüsho inü thiyu asukpü I mün khimshuhbah I miki zhipbuh ki tha, “ I tungpuh, michih hode hadürü thsünü I kheak arükhinü I sühmüh mülade lah.

DANIEL 11:27

Judüki kiulongthsürü mahne ju lümkhi amütsü hanbah tsühyungpü dükhüm khülang kheak binbah, tüsho anenü khülangnü khülang ki akeangyu thaachihbah, tüshe ju akuk müngü, tümütüsho ju kim akhukhi mukhiungyi.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 12:13

Tüshe nü, nü limro ching yüang, tüsho sühakhimang; akheam nimungbo ching nü thsambah leangkhia lupü nü asürübah.”

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

DANIEL 7:16

Ha alala thiyuro dünkheak keokhipü ju kheak zhiprü khülang kilim I yü. Jumonü apinü ha amütsan I ki tha:

DANIEL 8:15

Küyimki I, Danielnü michih ngükhea, inü ju anikhitpü mürang. Judüki khürü mihtsürü nangde I miki akhiuka zhip,

DANIEL 8:19

Apinü tha, “Aniang, tüsho bukakhiukkhi kim dunglim tümü dünjibanü inü nü ki thabah; tümüde ha akheam kim akhukhitkhi dünkheak ah.

DANIEL 8:27

Jumonü I, Daniel lümthsünüde kam tüsho nimung anükhüh tukthsüde yap; jushu inü asürü tüsho kiulongthsüpuh rhimo thsungkheak yü. Tüshe michihnü I yingyingabah tüsho ju manikhit.

DANIEL 9:23

Nü tamkhüntamnü tankihchoki, nü ki alojih, ju nü ki thapü I arüchoh tümüde nü khide muzhodakkhi lah. Jumonü thiyusheak lümakheahang tüsho michih anikhitang.

DANIEL 9:27

Apinü mihtsürübo ahihdo kheak kam thüne düküngde thiyuchihchimkhi khülang labah, tüsho küyimki ha kim thripkhüh hobanü, apinü laksah-a kingaünkhi tüsho kingaünbo kheamshihbah. Athsümünimbe mihtrebe ju arüngyam ku kheak labah tüsho ha ju kheak akheam marüchoki khiungde alabah.”

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

MATHI 17:8

Tüsho küyimki arünü abinkih-a kheahkheanü she müngü tüshe Jisu lang alakheah.

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 22:8

I Johannü harü so tüsho ngü. Tüsho küyimki inü jurü sobah angükhea, I ki huhbuh yunirü jing ki kingaünpü inü mükhüm;