DANIEL 7:7 - AMÜSÜH HÜM CL Bible (BSI)

⁷ Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

DANIEL 7:7 Iomraidhean Croise

2 SAMUEL 22:43

Inü arü kheak alo asungthulung atsü nangde king, inü arü züthünak tüsho kiudunglimrobo ching akhimniuhniuh nangde arübo jungnak.

JOB HU H T ANYU 41:14

Shenü amünjak khimshuhkhukba? Mükamde ahü atrebe kihlah.

EZEKIEL 40:2

Apinü I Thrünpuh michihbo ching Israel lomi lim bedarü tüsho müzüng khide achang kheak binshih; ju kheak düjinglim ju kiuto khülang thrünkhi nangde alakheah.

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

DANIEL 8:10

Hoju yinmi bonungrü lokhüh zokih. Junü bonungrü khürü tüsho chiningbo alomi ching jipkhi, tüsho arü kheak jung.

DANIEL 8:22

Azhakkhi shihjuh, küpü müthri püpü phüyi akhiukkhea, api trükshih chingnü kiulongthsü phüyi asürübah, tüshe api wu nangde müla.

ZEKARIA 2:1

Inü abinkih-a kheah tüsho mihtsürü khülang akhah ching akebe-liu shuhbah ngü.

AMIKHEAKAKHIUKKHI 12:3

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 17:12

Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah.

AMIKHEAKAKHIUKKHI 17:7

Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.